Descubre Mondoñedo

Na mañá de onte presentouse nun lugar emblemático, no Seminario mindoniense de Santa Catalina, un proxecto que nace do traballo de varias entidades e persoas, que de xeito desinteresado e comprometido, cren na nosa localidade.

Penso, sinceramente, que é a liña de traballo a seguir, a unión entre as Institucions, a labor conxunta entre Entidades Públicas e empresas privadas e a implicación de xente que ten proxectos para sumar.

Creo que Mondoñedo é un destino turístico indiscutible pero tamén se ten analizado en moitas ocasións, e comparto, que como tal, tiña puntos febles e debilidades que entre todos temos que correxir.

Descubre Galicia, é unha iniciativa dunha axencia de viaxes que elabora paquetes turísticos, entre os cales, a nosa localidade ten un protagonismo especial e incluso son das que penso que se debe ter máis.

A mencionada axencia aposta polos paquetes como unha estratexia de comercialización; certo é que as novas tendencias dos potenciais clientes fan que moitos profesionais sexan escépticos; un escepticismo que comparto nalgún punto, pero no que non dubido é no seu incalculabre valor como estratexia de promoción, dunha promoción conxunta para atraer xente, buscando potenciais clientes a través de colaboradores en España pero tamén cunha perspectiva claramente internacionalizada, algo especialmente importante e necesario.

Paréceme moi acertado, e sen dúbida, considero, que pode e vai a traer máis turistas a Mondoñedo, debendo enfocar, eso sí, unha presentación atractiva e accesible dos recursos mindonienses.

Era un inicio, a primeira pedra, para que se sumen os establecementos que ofrecen servizos turísticos e continuar traballando para conseguir atraer visitantes e turistas a nosa localidade, a nosa comarca e a nosa provincia porque, se algo ten este proxecto, é a capacidade de entender os recursos de forma que sume, non compitan e xerar sinérxias entre comarcas, destinos… Por iso tamén me gusta.

Sen ningún triunfalismo, e coa prudencia que merece o análise dun proxecto que nace, sí quero agradecer o traballo feito ata agora, desexarlle éxitos que serán tamén para a nosa localidade, a nosa comarca e a nosa provincia e poñerme absolutamente a súa disposición para colaborar (como levamos feito ata agora).

Parabéns e moita sorte.

Elena Candia.
Presidenta e voceira do PP de Mondoñedo.