I Testing fotográfico na Ría de Ribadeo

Ribadeo acolle o 1º testing fotográfico da Ría o 1 e 2 de febreiro coincidindo co Día Mundial dos Humidais. O sábado a partir das 12.00 horas a Casa do Mar acollerá a charla ‘A Ría de Ribadeo, un refuxio para as aves migratorias’ a cargo de Xabier Prieto, da Sociedade Galega de Historia Natural e autor do blog ‘Bichos e demais familia’. Ás 15.00 horas, Enrique Sampedro guiará unha ruta pola ría para observar as aves. Tamén se realizará o primeiro testing fotográfico para o que é preciso reservar praza no teléfono 982 128 689. E, o domingo, ás 12.00 horas celebrarase un obradoiro de identificación das especies fotografadas e subiranse as imaxes á plataforma Biodiversidade Virtual na Oficina de Turismo.