O Burela Pescados Rubén e Iago Míguez Expósito formalizan a súa renovación ata a tempada 2014/2015. Na oficina da entidade burelesa, o presidente do club; Manuel Blanco Fanego, e Xurxo Rodríguez López, xerente de Pinturas Xurxo empresa patrocinadora do Burela Pescados Rubén, acompañaron a Iago Míguez no acto de renovación do seu contrato.
Manuel Blanco resalta a importancia desta renovación xa que “Iago Míguez é patrimonio do Burela Pescados Rubén, un xogador da casa do que nos sentimos moi orgullosos e que esperamos que manteña a súa progresión e consiga demostrar todo o seu potencial”.
O xogador canteirán afirmou sentirse “orgulloso e feliz de prolongar a miña relación co Burela Pescados Rubén que é a miña casa. Desde pequeno gocei do fútbol sala en Vista Alegre e era un soño poder ser xogador profesional. Afortunadamente puiden conseguir esa meta e ademais xogar en Primeira División coas cores do meu equipo, é algo especial. Agradezo a confianza que o club deposita en min e é unha motivación extra seguir de laranxa nesta etapa de consolidación do club na máxima categoría e poder aspirar a obxectivos máis ambiciosos cada tempada”.
Aos 22 anos, Iago Míguez logrou asentarse no conxunto burelés dirixido por Juanlu Alonso do que destaca que “é unha referencia no fútbol sala. Desde a súa chegada axudounos a crecer en moitos aspectos do xogo; tanto a nivel individual como colectivo e estamos convencidos que seguiremos progresando e lograremos os obxectivos marcados. É un pracer estar dirixido por un técnico do seu prestixio, sempre estamos aprendendo e transmítenos a súa paixón polo fútbol sala”.
No aspecto persoal, Iago Míguez séntese “nun momento doce da miña carreira pero son esixente comigo mesmo e sei que aínda debo mellorar e pulir moitos aspectos para dar máis ao equipo”. Coa súa mocidade, calidade e experiencia na élite do fútbol sala, Iago converteuse nunha referencia para a canteira burelesa e, lóxicamente, para a afección laranxa “a quen hai que agradecer sempre o seu apoio xa que converteron Vista Alegre nunha referencia nacional do fútbol sala pola forma de sentir e vivir os partidos”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
