A Mariña, 03 de decembro de 2013.- Novas Xeracións da provincia renovará a principios de 2014 as súas xuntas locais en varios concellos da comarca da Mariña, como mostra da actitude democrática e aberta que profesa a formación vinculada ao Partido Popular.
Durante a celebración destes congresos locais darase participación a novas persoas e materializarase a “reafirmación dunhas ideas que nos permitirán traballar máis de preto por todos os mozos da comarca”.
Novas Xeracións está formada por xuntas de mozos “comprometidos cos seus pobos” que permiten ser o “nexo de enlace entre a clase política e a xuventude” e que necesitan reactivarse a través de novos congreso locais.
Renovacións
A agrupación comarcal e provincial de Novas Xeracións resalta o traballo desenvolvido durante estes anos polas formacións locais constituídas nos diferentes concellos da Mariña, para as que NN.XX. “só ten palabras de gratitude”.
Entre elas, celebrarán concellos de renovación as de Viveiro, A Pontenova, Burela, Foz e Ribadeo; mentres que xa tivo lugar a constitución da nova executiva en Mondoñedo. A maiores, Novas Xeracións provincial chegará a dous novos concellos da comarca coa creacións de locais nos municipios de Ferreira do Valadouro e Alfoz.
Reprobación dunha actitude “desprezativa”
Novas Xeracións da comarca da Mariña tamén quere repudiar a actitude posta de manifesto polo rexedor local de Ribadeo, caracterizada polo “desprezo” cara o presidente provincial da formación, Daniel Vega.
As palabras de Fernando Suárez nas que trata a Vega de “este rapaciño, este presidente de Novas Xeracións”, poñen de manifesto a pouca complicidade do popular cos mozos da localidade e coa xuventude que ademais de ter inquietudes políticas se amosa “comprometida co seu pobo e coa súa xuventude” e por cuxo motivo “forma parte dunha agrupación política”.
Novas Xeracións convida a Suárez Barcia a empregar a “verdade”, tal e como fixo Daniel Vega á hora de afirmar que a Xunta foi a primeira administración en comprometerse coa residencia de Ribadeo.
“As críticas realízanse con información”, e os datos pasan por afirmar que o bipartito na Xunta de Galicia estableceu unha normativa na que se establecía un ratio de 1.500 pacientes por facultativo; que hoxe en Ribadeo se está a cumprir xa que hai 1.046 pacientes por médico. “Dicir o contrario é mentir”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
