Burela, 8 de xaneiro de 2014. Do 13 ao 24 de xaneiro estará aberto o prazo de inscrición para participar no curso de ximnasia preventiva para maiores que organiza un ano máis a Concellería de Servizos Sociais. Está dirixido a persoas maiores de 60 anos, con preferencia para as empadroadas en Burela.
Os requisitos que deben reunir os interesados para inscribirse son: ser maior de 60 anos, estar empadroado/a en Burela e ter pagado a taxa de matrícula. Desde a Concellería de Servizos Sociais sinalan que “non se admitirán inscricións por teléfono. E como máximo soamente se poderá facer a inscrición doutra persoa (aparte dun mesmo/a) cada vez”.
Para novas inscricións as persoas interesadas terán que dirixirse á Casa do Concello en horario de 8 a 15 horas, de luns a venres. E no caso de renovacións de matrícula os interesados/as deberán dirixirse á profesora encargada de impartir o curso.
Diana Durán sinala que “co desenvolvemento deste programa de ximnasia preventiva para maiores preténdese incrementar e/ou manter a calidade de vida das persoas beneficiarias, tratando de estimular, orientar, promover o apoio psicoafectivo, a saúde, o apoio familiar, etc. Trátase de manter e/ou acadar a recuperación física das persoas usuarias, intentando conseguir a máxima funcionalidade e autonomía posible. Para a consecución dos obxectivos marcados empréganse distintas técnicas coma: respiratorias, de mobilización, etc., xa que a rehabilitación física supón o logro dun maior grao de autonomía persoal no entorno cotiá, familiar, relacións sociais, etc. mediante un tratamento global”.
A edil popular indica que “dado que o envellecemento activo é un proceso que require da optimización de oportunidades para loitar pola saúde, pola participación activa da vida e pola seguridade de alcanzar calidade de vida cando se envellece, dende esta delegación considérase que estes obxectivos deben incluírse nun marco municipal de traballo que propicie accións orientadas a preservar a saúde e potenciar a participación das persoas maiores, incluíndo aquelas que contan con algún tipo de discapacidade e/ou precisa doutro tipo de atención, que son precisamente os obxectivos que persegue a ximnasia preventiva para maiores”. Durán engade que “ademais de servir como medida preventiva, o exercicio físico é fundamental no control de distintas patoloxías, primeira causa de enfermidade e morte na poboación maior de 60 anos. De aí que a actividade física terapéutica constitúa unha ferramenta preventiva de primeira orde”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
