Mondoñedo 16 de xaneiro de 2014.- O Partido Popular de Mondoñedo reafírmase nas súas declaracións nas que asegura que a “indiferenza e a falta de traballo” do alcalde, Orlando González, motivaron que unha sentenza obrigue ao nacionalista a expedir a nova licenza solicitada por unha empresa para finalizar as obras na liña de subestación de Mondoñedo a Boimente.
Os populares explican que estas afirmacións se demostran ao ler a sentenza na que se recolle que Orlando González non foi quen de dar resposta á solicitude da empresa (no prazo máximo de tres meses), que pedían unha nova licenza para rematar as obras. Deste xeito, o Xulgado considera probado que a licenza das obras na liña da subestación foi adquirida por silencio administrativo positivo.
A despreocupación do alcalde demostrouse de novo cando asegurou, en resposta a preguntas, non lembrarse do motivo que o levara a non dar contestación á petición de licenza; o que provoca a indignación do PP ante a actitude inadmisible do nacionalista.
Orlando González, non presenta argumentos
Dende o PP explican que o seu partido non está a terxiversar, só transmite o contido dunha sentenza que dá conta da imprudente actuación do alcalde. Os populares lembran que na demanda non se contempla un só argumento que incida no feito de que a solicitude de licenza fose contraria á legalidade urbanística.
O PP explica que o Xulgado aclara, contra a tese do nacionalista, que correspondería ao Concello e non á empresa, probar que a licenza solicitada resulta contraria á legalidade urbanística. Deste xeito, a pouca involucración de Orlando González provocou que a administración non fose quen de argumentar esta circunstancia.
Estes feitos sorprenden aínda máis, dado que esta falta de traballo prodúcese en setembro do 2007, xusto cando acababa de perder as eleccións pero mediante un pacto co PSOE accede ao goberno.
O PP require explicacións ao Sr. Alcalde
O PP considera que o alcalde debería dar explicacións ao respecto, dado que estamos a falar dun tema de gran importancia para a localidade ao tempo que demandan que actúe con eficiencia a partir de agora tendo en conta que a sentenza non é firme.
Os populares denuncian que a apatía por parte do rexedor nacionalista repercuta negativamente nos veciños e inclusive, con posibilidade, nas arcas municipais, xa que ao non haber expresa condena en costas para ningunha das partes, cada quen pagará a súa defensa, o que leva ao PP a preguntarse polo custo que suporía para o municipio.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
