Celestino García Paz, en representación do Grupo Municipal Popular de Viveiro, realiza á Alcaldesa da Corporación os seguintes ROGOS, ó obxecto de que se subsanen as deficiencias sinaladas coa maior prontitude posible:
Veciños de Celeiro manifestaronlle o noso grupo o caos circulatorio no que se atopa en numerosas ocasións o barrio de O Celeiriño, motivado polo libre albedrío que reina á hora de aparcar, propiciando en ocasións que no caso de producirse unha emerxencia os vehículos necesarios para a mesma –ambulancia, coche de bombeiros… – o tivesen difícil para acceder o mencionado barrio. Por este motivo é polo que ROGAMOS o equipo de goberno que proceda a delimitación e pintado das zonas autorizadas para o aparcadoiro de vehículos, evitando así o aparcamento indiscriminado e perigoso no caso de posibles emerxencias.
Sen saír do Barrio do Celeiriño, sinalar que varios veciños reclaman a construcción dunha rampa de acceso no calexón situado desde a Rúa do Porto, a Rúa Atalaya, entre o novo edificio do Celeiriño e o nº 10 da Rúa do Porto , dado que as escaleiras tan empinadas alí construidas, imposibilitan que se baixe cunha silla de rodas ou similares. Por este motivo ROGAMOS o equipo de goberno que acometa a construcción da mencionada rampa, co que ademáis de eliminar unha barreira arquitectónica, facilitará a movilidade das persoas que precisen usar este tipo de rampas.
Na zona remodelada do Celeiriño, concretamente moi preto de onde figura a placa que da conta da citada actuación, existe un estreito calexón que entrana certo risco, e polo que, segundo nos manifestaron algúns veciños, andan a xogar os nenos e nenas co conseguinte perigo para a súa integridade. Por este motivo, ROGAMOS o equipo de goberno que coloque algún elemento que impida o acceso ó mesmo, e así evitar calquera tipo de incidente que logo poidamos lamentar.
Na Rúa do Porto en Celeiro, dende a Cofradía ata as inmediacións do Porto, o aparcamento dos vehículos resulta caótico, ó tempo que perigoso para a circulación dos peóns, que ven como non poden camiñar polas beirarrúas e mesmo contemplan como as saídas dos calexóns desta zona están habitualmente obstruídas, co conseguinte perigo que isto entrana en caso de emerxencia. Por este motivo ROGAMOS o equipo de goberno que proceda a reordenación do aparcamento nesta rúa, de tal xeito que os peóns poidan camiñar polas beirarrúas e que as saídas dos calexóns non estén obstruídas.
Na parroquia de Covas no barrio do Pedregal, concretamente na rúa dos Castelos, entre vivendas, hai moitas fochancas, que o perigo que en si supoñen, engadese que como consecuencia da choiva, se enchen de auga. Por este motivo ROGAMOS ó equipo de goberno que proceda o seu asfaltado a maior brevidade posible, para solucionar este problema.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
