Os concelleiros do Grupo Municipal Socialista de Foz queremos amosar o noso total rexeitamento á privatización de servizos que está a levar a cabo o Goberno do Partido Popular no noso Concello, e, en concreto, no que ás labores de xardinería se refire, pois, dende que os populares entraron no goberno local, os socialistas vimos denunciando que se invirtan cada ano varios miles de euros na contratación de empresas externas para a prestación do servizo de mantemento de xardíns e zonas verdes, tarefas que, dende sempre, se realizaran polos traballadores do concello.
A este respecto, a voceira, Rosa Pérez Gradaílle, declara que: “Os socialistas non estamos dacordo coa privatización de servizos que está a levar a cabo o goberno popular no concello de Foz e xa hai tempo que o vimos denunciando. Durante o pasado ano, reprochamos ao Sr. Castiñeira que, a través dunha empresa externa ao concello, gastara máis de 6.000 euros soamente no acondicionamento do xardín da Casa Consistorial, e que viñera invertindo varios miles de euros no mantemento das rotondas, algo que consideramos absolutamente innecesario”.
“E agora”, manifesta a voceira socialista, “nos amosamos totalmente en contra de que o alcalde pretenda invertir 72.000 euros do peto de tódolos veciños de Foz na contratación dunha empresa externa ao concello para realizar labores de xardinería, pois pensamos que estos cartos deberían destinarse a outros servizos que consideramos prioritarios, como reforzar a Axuda no Fogar”.
Dende o Grupo Socialista de Foz recomendamos ao Sr. Castiñeira e ao seu Equipo de Goberno que, se consideran que no concello non se dispón de suficiente persoal para levar a cabo as tarefas de xardinería, convoquen novas prazas para reforzar dito servizo municipal, de xeito que se cree emprego directamente dende o concello, en lugar de continuar privatizando servizos, pois pensamos que sería unha forma máis axeitada de invertir os cartos dos nosos veciños.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
A chamada dunha persoa particular ao 112 Galicia permitiu activar un operativo de emergencias, aínda que nada puido facerse por salvarlle a vida. Segundo a información facilitada polo alertador, o accidente produciuse pasadas as oito desta mañá na N-VI, no punto quilométrico 503, en Lugo. Indicou que foi a moto o único vehículo implicado no sinistro e que, tras a caída, o condutor quedou tendido sobre a vía. Para facilitar a asistencia médica, o persoal do Centro Integrado de Atención ás Emerxencias de Galicia solicitou a intervención dos profesionais de Urxencias Sanitarias de Galicia-061 e dos axentes da Garda Civil de Tráfico e da Policía Local. Sen embargo, nada puido facerse por salvarlle a vida ao motorista, xa que, apenas uns minutos máis tarde confirmouse o seu falecemento.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
