O Consello escolar do CEIP “O Cantel” de Foz denuncia “os atrancos inxustificados que a Consellería de Educación está poñendo á solicitude para implantar a xornada única neste centro”.
A solicitude de xornada única ven determinada para favorecer que diante da suba dos costes do comedor provocado pola implantación do decreto de comedores, as familias que non queiran deixar a comer aos nenos no centro, poidan levalos para a casa unha vez rematada a xornada lectiva.
“Tendo en conta que, tal e como se propón implantar a xornada única, non supón varición algunha no horario do transporte, non entendemos por qué o Servizo de Transporte da Consellería denega a autorización para poder cotinuar co proceso, cando ésta cumpre cos requisitos da orde do 29 de maio de 2008”, afirma o presidente da ANPA do CEIP “O Cantel” e representante dos pais no Consello Escolar do centro.
“A propia resposta da Consellería recoñece que a implantación da xornada continuada sería viable, pero erra de forma inesplicábel ó asumir por sistema que pode haber un incremento de costes, cando non é certo pois o horario do transporte permanecería invariábel”, explica Xosé Lois Moreda.
Tendo en conta que o devandito informe favorábel de transportes é indispensábel para continuar co proceso, e que éste ten que facerse neste curso para que entre en vigor no seguinte, “os atrancos da Consellería están a facer que os prazos para rematalo se nos faigan imposibeis de acadar”. Hai, así mesmo, outros centros da Mariña ó que tamén se lles rexeitou a solicitude da xornada única.
Finalmente, dende a ANPA salientan que “diante desta actuación da Consellería, o CEIP “O Cantel” ven de plantexar un recurso de reposición na Consellería de Educación para defender os dereitos das familias a implantar a xornada única no seu centro educativo”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
