A Vicepresidenta Segunda, Lara Méndez, acompañada pola Alcaldesa de Viveiro, María Loureiro, deu conta este mércores das actuacións levadas a cabo pola institución provincial en impulso das novas tecnoloxías na Mariña, e que supuxeron un investimento total de 355.000 euros en dotacións tanto para os Concellos, das que se beneficiarán directamente os veciños, como para empresas da Comarca.
Durante a visita, na que tamén estivo presente o Deputado de Economía do Coñecemento, Emprendedores e Innovación, Alfredo Llano, Méndez destacou que os 9 Concellos mariñanos adheridos ó Innova-TE contan cun paquete de 8 servizos tecnolóxicos, entre os que destaca a conexión wifi a Internet en espazos públicos e Consistorios de xeito totalmente gratuíto. Abadín, Burela, Cervo, Lourenzá, Mondoñedo, A Pontenova, Ribadeo, Riotorto e Viveiro aforraron un total de 315.000 euros (un aforro estimado por Concello de 35.000 euros) grazas a este paquete tecnolóxico que a Deputación puxo en marcha, a custe cero grazas a este programa financiado ó 80% por fondos da Unión Europea. Hai que lembrar que Foz, malia sumarse nun principio, finalmente rexeitou participar deste novo paquete de medidas que permitía a instalación de puntos wifi gratuítos.
Méndez destacou que a Deputación puxo en marcha este plan para que “todos os lucenses, vivan onde vivan, conten coas mesmas oportunidades de acceder ás novas tecnoloxías, loitando así contra a fenda dixital”. A Vicepresidenta Segunda tamén destacou o feito de que estender o uso das novas tecnoloxías sexa unha das armas básicas que os expertos destacan para facer fronte ó despoboamento demográfico.
Ademais deste servizo de conexión a rede wifi gratuíta en prazas e consistorios, o Innova-TE permitiu otras prestacións como a mellora da calidade do servizo de banda longa; asesoramento para optimizar o uso da sede electrónica implantada na primeira fase do Innova-Te; a creación de novos portais web e a actualización de contidos xa existentes, así como a posta en marcha dun servizos de asesoramento tecnolóxico personalizado para resolver calquera dúbida dos Concellos.
30 empresas mariñás no Reacciona coas TIC
Tamén ó abeiro deste plan, o programa de impulso das Tic entre Pemes e autonómos da provincia, Reacciona coas TIC, un total de 30 empresas da Mariña puideron, grazas ó uso de software e formación gratuíta que o organismo provincial puxo á súa disposición, aumentar a súa competitividade. Negocios de Burela (9); Foz (4); Lourenzá (4); Ribadeo (5); Trabada (2); Viveiro (4); Ourol (1) e A Pontenova (1), que desenvolven diversas actividades como pescaderías, talleres, transporte de mercadorías ou comercios minoristas, obtiveron grazas a 40.000 euros deste programa -dotado con 200.000 euros-, as ferramentas tecnolóxicas necesarias para mellorar a súa xestión e competitividade no mercado de xeito totalmente gratuíto.
Como paso previo á posta en marcha das medidas necesarias, técnicos da Deputación realizaron en cada entidade participante un estudo individualizado e exhaustivo, cuxos resultados amosarían as posibles necesidades de mellora en formación e uso de Tics. Tras estas auditorías a Deputación instalou, a custe cero, diferentes solucións informáticas ó tempo que organizou obradoiros formativos en novas tecnoloxías para empresarios e traballadores, en materias como marketing e redes sociais; xeoposicionamento e xeomarketing; fidelización de clientes con boletíns electrónicos, ou aproveitamento dunha web ou blog empresarial.
A visita rematou cunha xuntanza cos responsables dunha destas empresas, radicada en Viveiro, Kiara, dedicada ó comercio minorista de moda téxtil e complementos, que deu conta ós responsables provinciais da súa experiencia particular no programa. De feito, a raíz da súa participación no Reacciona coas Tic, deron finalmente o salto á venda online.
Durante a xornada a Vicepresidenta Segunda e a Alcaldesa de Viveiro mantiveron un encontro con representantes dos 150 establecementos membros da Asociación Centro Comercial Casco Histórico de Viveiro, no que estes trasladaron as súas inquedanzas de cara ó futuro e a súa intención de poñer en marcha máis medidas de dinamización do sector.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
