SANTIAGO. A Comisión Executiva da Fegamp lamentou este mércores, durante a súa reunión mensual, que non se puidese alcanzar un novo acordo para negociar coa Xunta a subida prevista do canon de Sogama, que será dun 34% a partir do próximo 1 de marzo.
O presidente da Federación e alcalde de Ferrol, José Manuel Rey Varela, expuxo á Executiva o labor de interlocución coa Xunta realizada por segunda vez para abordar esta cuestión, despois da solicitude exposta por un grupo de alcaldes de Lugo e Ourense nas últimas semanas.
Segundo trasladou Rey Varela tras os contactos coa Consellería de Medio Ambiente, o actual contexto normativo do sector enerxético estatal e as previsións dun novo regulamento aínda máis restritivo e lesivo para os intereses de Sogama imposibilitaban abrir unha negociación para modular a subida prevista para o 1 de marzo.
Na súa exposición, Rey Varela detallou que ante as dificultades do escenario “nin tan sequera é posible recuperar o preacordo alcanzado en novembro para atrasar a subida ao 1 de xullo e limitala ao 17% no conxunto do ano”, medida que foi rexeitada por diferenzas na Executiva e que impediu a súa aplicación.
A Comisión Executiva rexeitou, cos votos dos alcaldes do PPdeG, a petición de PSdeG e BNG para que a Fegamp interpuxese un recurso xudicial ao incremento do canon por parte de Sogama. Segundo manifestou José Manuel Rey, “os concellos teñen liberdade de acción para tomar as decisións que consideren oportunas no exercicio da súa autonomía local”, aínda que a Federación manterase á marxe “ao volver existir posicións diversas no seu seo”.
No entanto, si se ratificou unha vez máis a postura contraria da Federación a esta subida, “coa que ningún alcalde está de acordo nas actuais circunstancias”, incidiu Rey Varela, quen lembrou que a Fegamp “nunca avalou esta subida” nin sequera “cando negociamos en novembro a medida paliativa do atraso ao 1 de xullo”.
Reforma local
A Comisión Executiva tamén analizou as consecuencias que para os concellos está a ter a reforma local, despois das súas primeiras semanas en vigor, principalmente a cuestión relativa á repartición de competencias entre as administracións municipal e autonómica.
Neste apartado, Rei Varela incidiu en que está aberto unha canle constante de comunicación coa Dirección Xeral de Administración Local para estudar os efectos da reforma e adoptar as medidas oportunas que permitan manter e garantir servizos públicos de proximidade desde os concellos.
Atención especial recibe o apartado dos gastos de saúde. Segundo a Disposición Transitoria Primeira da Lei 27/2013 de 27 de decembro, as autonomías disporán de 5 anos para asumir paulatinamente estes servizos sanitarios, a razón do 20% anual.
Segundo os datos de 120 concellos consultados directamente pola Fegamp e expostos por Rey Varela ante a Executiva, o gasto en centros de saúde no primeiros once meses de 2013 ascendeu a 2,63 millóns de euros, que se deben sumar aos 5,2 millóns de euros dos programas de atención a drogodependentes e outro millón máis estimado en plans de prevención.
“En total, será un gasto de ao redor de 10 millóns de euros”, valorou José Manuel Rey, para quen é “esencial abrir un diálogo coa Consellería de Sanidade” que elabore a folla de ruta para o proceso de transferencia destes servizos ao Sergas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
