A Asociación cultural A Pomba do Arco, de Foz quere convidar a tódolos nenos da Mariña a participar do Concerto que este venres, día 28 dará Uxía Senlle na Casa da Culttura Manuel María de Foz.
Este venres día 28, ás 18.00 horas Uxía Senlle presentará o seu derradeiro traballo Rosalía Pequeniña, un libro disco no que aparte dos poemas de Rosalía de Castro pódense atopar as novas cancións de Uxía.
Pero Uxía Senlle é moito máis e por iso aparte de cantar as cancións do seu derradeiro traballo tamén nos lembrará algunhas do seu anterior libro disco María Fumasa.
Uxía non estará soa no escenario pois canda ela estarán Serxio Tannus (guitarra) e Santi Cribeiro (acordeón) que a acompañarán nas distintas intervencións.
Trátase dunha actuación orientada para nenos e nenas que gozarán das cancións que seguro coñecen pois tanto Rosalía Pequeniña como o seu anterior traballo María Fumasa alcanzaron un grande número de vendas nas librerías de Galiza.
O prezo da entrada é de 2€ .
Agardamos contar con moitos nenos e nenas da Mariña Lucense e acompañar todos xuntos a Uxía Senlle nas súas cancións.
O alumnado pertence aos cursos subvencionados pola Xunta de Galicia, que se imparten en Academia A Mariña, “ao finalizar a formación conseguirán a titulación oficial”, explica Becky Hermida, directora de Academia A Mariña.
Ata o 12 de xullo, mozos e mozas poderán gozar, aprender e mellorar a súa técnica nun ambiente divertido e seguro. Está organizado pola FEGAN (Federación Galega de Natación) en colaboración co Concello de Cervo, este campus aposta polo deporte e a formación.
Este luns tivo lugar a presentación do cartaz. Estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 da mañá dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
As crianzas gozaron dunha primeira sesión chea de movemento, relaxación e diversión na Casa do Mar en San Cibrao, un espazo para coidar o corpo e a mente mentres se pasa un bo rato coas amigas e amigos
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
No curso traballáronse técnicas antigas de Ju Jutsu e Aiki Jujutsu. Desprazáronse profesores e alumnos avanzados de diferentes recunchos de España, así como de Portugal, Ucrania, Países Baixos, Suecia e Bélxica. A alcaldesa, Dolores García Caramés, quixo achegarse ata o pavillón do CEIP Península da Paz para saudar ás persoas asistentes e felicitou unha vez máis a Miguel Ángel Rojo por volver poñer a Cervo no mapa a nivel Europeo en canto a seminarios de artes marciais do máximo nivel.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
