Lugo 19 de febreiro de 2014.- O presidente da Deputación de Lugo, José Ramón Gómez Besteiro, concedeu dende o ano 2008, subvencións por máis de 340.000 euros a unha asociación con domicilio fóra da provincia de Lugo, onde traballan persoas que teñen unha clara vinculación co BNG, socio de goberno do socialista na administración lucense.
A Asociación Socio-Pedagóxica Galega (AS-PG) percibiu anualmente da Deputación de Lugo dende o ano 2008 subvencións de carácter nominativo, por un importe total que suma máis de 50 millóns de pesetas.
A voceira dos populares, Elena Candia, explicou que o posicionamento do partido non é contrario á citada asociación, senón ao uso que o goberno de Gómez Besteiro lle está a dar ao reparto das subvencións nominativas; ata o punto de priorizar entes deslocalizados ás propias agrupacións provinciais.
Por exemplo, na anualidade 2008, é necesaria a suma das axudas percibidas por ata oito entes lucenses para que iguale á contía de 50.000 euros que se lle destinou á asociación coruñesa o referido ano. E inclusive, nun só ano a Deputación lucense concédelle unha subvención superior á Asociación Socio-Pedagóxica, que a administración coruñesa en catro anos.
Vinculación partidista
Trala análise da documentación, os populares tamén puideron comprobar que persoas que traballan para esta asociación, e que figuran na conta xustificativa da subvención; están vinculados co BNG, socio de goberno de Gómez Besteiro na Deputación de Lugo.
Tanto e así que na relación de gastos polo custo total da actividade subvencionada, por exemplo durante o 2012, figuran concelleiros do BNG e membros de listas electorais en municipios incluso das provincias de Pontevedra e A Coruña; e a maiores integrantes do consello do BNG en Lugo.
Unha constante na Deputación de Lugo
Os populares explican que se está ante un novo caso que amosa a xestión descaradamente partidista e indebida que o presidente da Deputación e os seus socios de goberno están á levar a cabo con fondos públicos de todos os lucenses.
As axudas a entes afíns politicamente e deslocalizados da provincia estanse a converter nunha constante na Deputación de Lugo, como xa denunciaron os populares noutras ocasións, a través de entes como Solga, Fundación Luís Tilve e Bautista Álvarez.
O uso partidista das subvencións nominativas
A tipoloxía de axudas concedidas a Asociación Socio-Pedagóxica Galega son de carácter directo nominativo, é dicir, limita a participación de todos os colectivos interesados que poderían participar en pé de igualdade para concorrir ás subvencións.
Os populares xa manifestaron, tal e como recollen as actas plenarias, a súa oposición ao uso partidista que profesa a Deputación de Lugo; e aseguraron que os plans de subvencións non son nin obxectivos, nin se rexen polo principio de igualdade.
A maiores os populares explicaron que este partidismo vai en contra dos municipios lucenses, que se atopan cunha Deputación que aproba o peos POS das catro deputacións; que incumpre en materia de benestar ou que reduce nun 53% as transferencias de capital a concellos.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
