O mal tempo deu unha pequena tregua sendo posible xogar na Alameda dos Remedios de Mondoñedo o Aberto da Tarta, torneo anual que corresponde a VIII xornada da LNB da conferencia NorLeste.
Laiáronse as billardas ao golpearen no empredrado chan da alameda e laiáronse os palanadores cando vían desviada a traxectoria dos seus golpexos pola mesma causa. Aínda así e todo o bo facer dos xogadores foi quen de superar os atrancos e converter oito varados na tarde.
Explosivo retorno de Diego (de “Carabullos de Teixo”) ós terreos de xogo que foi quen de facer pleno e subir ó segundo caixón do podio, contribuíndo de maneira definitiva ao triunfo do seu equipo na xornada, que de novo remata por diante dos Billardeiros Musicais, aínda que estes últimos continúan ben asentados na cadeira máis alta e cunha cómoda vantaxe.
Así mesmo cabe subliñar os dous benxamines da Conferencia. Lucía Caldeiro segue progresando adecuadamente e o seu irmán, Manuel, finalmente veu recompensado o seu esforzo. Viña xogando moi ben, pero sen sorte e foi en Mondoñedo onde deu un salto cualitativo puntuando en catro das cinco carreiras xogadas. Parabéns a estes rapaces e que o seu exemplo o sigan outros moitos.
Desta volta tivemos destacadas ausencias, ás xa sabidas dos palanadores doutrass conferencias que tamén tiñan xornada, xunguiuse Muriego, que aínda que non xogou, si nos acompañou e votou unha man nas arbitraxes, e tamén o grande Xermán, que se está a recuperar dunha pequena doenza e ó que lle desexamos un pronto retorno ós terreos de xogo.
A xornada discurriu de forma moi dinámica e producironse algúns cambios na clasificación. E tan pequena a diferenza de puntos entre os primeiros da táboa que unha soa carreira fai que os postos bailen para arriba ou para abaixo. Restan tres xornadas que prometen emoción a feixes. Non hai un claro favorito para o campionato absoluto. O que si parece máis despexado é o feminino, Reyes e Geni dominan con diferenza sobre o resto de palanadoras, calquera das dúas pode facerse co título de donas.
Rematouse a xornada co pleno de tres xogadores. Suso Coedo (Billardeiros Musicais), Diego (Carabullo de Teixo) e Martiño (Remourelle Bulls). As tres carreiras regulamentarias deron como campión a Coedo, segundo Diego e Terceiro Martiño.
Recibiron cadansúa tarta como agasallo e os Carabullos de Teixo como gañadores por equipos levaron un botelo para facer honra as datas do Antroido.
E as clasificacións quedan do seguinte xeito:
Individual: Coedo 62 p., Juan e Regueiro 61p., Daniel 60 p.,Charli, Richar e Santi 59 p.
Equipos: Billardeiros Musicais 272 p., Carabullos de Teixo 232 p. e Troitas Bravas 207 p.
Varados: Santi 8, Daniel e Regueiro 6, Charli 4, Artai, Dani Moran, Markytos e Richar 3.
A 9ª xornada esta prevista para o 29 de marzo, pero antes disputarase o ALL STARS 2014.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
