O Burela FS Pescados Rubén B truncou a súa boa senda na pista da Estrada FS o sábado pasado caendo por 4-0, un excesivo castigo para os laranxas que pagaron moi caro os seus erros.
Nunha primeira parte equilibrada, os mariñáns marcharon ao descanso cun electrónico desfavorable de 2 goles (minutos 11 e 12) despois de dous fallos inxenuos en defensa.
Con 2-0, o cadro de Lucas intentou a remontar nun segundo período tenso. En dúas contras, minutos 21 e 26, os locais conseguiron pechar o partido.
Ficha técnica
A Estrada FS: César, Kinso, Rafa, Fabián e Marcos, no cinco inicial; tamén xogaron Moco, Charly, Rebo, Sergio, Toje e José Ramón
Burela FS Pescados Rubén B: Javi, Keko, Manu, Antón González e Alemán, no cinco inicial; tamén xogaron Carlos, Hélder, Pancho, Xoel e Aitor
Goles: 1-0, Charly, minuto 11; 2-0, Rebo, minuto 12; 3-0, Charly, minuto 21; 4-0, Moro, minuto 26
Árbitros: Xoel Castro // Miguel Ángel Araújo (Pontevedra)
Tarxetas: Pola Estrada FS, foi expulsado Fabián e, por Burela FS, Manu, ambos os dous por dobre amoestación amarela
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
