Contra as 15.30 horas do sábado 1 de febreiro, as billardas brincaban polo ar no pavillón deportivo de Meira, a reverter de palanadores/as que agardaban mentres se facía o sorteo da VII xornada da LNB conferencia NorLeste. Fóra, os ceos, estranamente despexados, iban enchéndose de azulado algodón, presaxio dunha nevarada que non tardou en chegar.
Pola contra do que pasara en Castro, aquí sí que se agardaba una boa xornada en varados dada as características do esbaradizo chan, e así aconteceu; calquera marca anterior quedou amplamente superada nesta xornada cun total de trinta e seis varados. Santi foi o máximo anotador con catro seguido de Daniel e de Richar con cadan seus tres, logo dunha longa lista de palanadores con dous e un completaron a fazaña.
Aínda que os primeiros postos da clasificación pouco se viron modificados, sí que se apertaron aínda máis do que xa estaban, prometendo unhas emocionantes vindeiras xornadas. A loita polo campionato individual está totalmente aberta e con moitos pretendentes. Xa queda pouco marxe para o erro. Chega o intre de poñer cada quen todo o mellor de sí mesmo. Quen fraquee o máis mínimo queda fóra.
A xornada tamén moi favorable para as sorpresas, que as houbo, de xeito que tan so un xogador foi quen de rematar a xornada con pleno de vitorias. Conseguiuno Javi Morán de “Carabullo de Teixo” que se proclamou campión do aberto e merecedor do “lacón” que chegou acompañado dunha ristra de chourizos.
Para disputar o segundo e terceiro posto chegaron sete palanadores con oito puntos cada un: Coedo e Geni (Billardeiros Musicais), Dani Morán (Carabullo de Toxo), Pepe Outeiro (O Cadaval), Rubén (Cruzados), Santi (Carabullo de Teixo) e Toño (Ekipa Bítere). Logo de tres carreiras o resultado foi de Santi segundo e Coedo terceiro.
De mans de Pepe e Óscar, representantes de M de Meira, foron recibindo os agasallos correspondentes os vencedores da xornada: o xa mentado lacón, acompañado dunha ristra de chourizos, para o primeiro. O 2º e 3º calsificado levaron cadansúa empanada, uns chourizos e un vistoso calendario do 1º premio fotográfico M de Meira e para o mellor equipo da xornada o mesmo agasallo.
Por equipos, os gañadores do día foron os “Carabullo de Teixo” completando así o triplete. Mágoa que por un erro nas puntuacións, o premio que lles correspondía foi entregado a outro equipo e os xustos gañadores ben deitaron de Javi e de Santi para probar a rica empanada.
Unha inocente equivocación que rematou en anécdota da xornada e que demostra que a LNB está viva, é humana e comete erros. Billarda sempre! Adiante co Varal!
Así quedan as clasificacións:
Individual: Regueiro 55 p., Daniel 54 p.,Juan 53 p., Charli, Richar e Suso Coedo 52 p.
Equipos: Billardeiros Musicais 240 p., Carabullos de Teixo 198 p. e Troitas Bravas 183 p.
Varados: Santi 8, Regueiro 6, Daniel 5, Artai, Dani Moran e Richar 3.
Na 8ª xornada corresponde xogar o “V Trofeo da Tarta” será en Mondoñedo o 22 do corrente mes de febreiro.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
