O 
Burela FS Pescados Rubén superou o escollo do Umacón Zaragoza nunha tarde de moitos goles. Os laranxas, que chegaron ó descanso con desventaxa (1-2), conseguiron dar a volta ó marcador con hat-trick de Burrito, dobrete de Antoñito e Mata, despois do tanto inaugural de Iago Míguez.
Cando Vista Alegre aínda cantaba pola volta da liga de Primera LNFS, o Umacón Zaragoza lanzou o seu serio aviso en forma de gol, con Catela (minuto 2). Os laranxas comezaron a mover banquiño e Iago Míguez saíu á pista como revulsivo no minuto 4 para anotar o empate. O encontro volvía a estar equilibrado, pero os mariñáns non se encontraban cómodos en ataque e víanse obrigados a rápidos replegues para evitar o perigo visitante. Iago Míguez (minuto 14) e Matamoros (minuto 18) tiveron nos seus pes as mellores ocasiones laranxas. Quen non dubidou foi Richi Felipe, asistido por Retamar, que subiu o 1-2 (minuto 18) co que se agotou o tempo da primeira parte.
A reflexión do descanso impuxo para os de Juanlu un cambio de dinámica e sinergias. No segundo período, a aposta ofensiva dos laranxas enseguida encontrou a súa merecida recompensa; Antoñito subiu o empate xa no minuto 22. Segundos despois Isi tiña nos seus zapatos o fallido 3-2, que pegou en Abel. Os maños tamén o intentaron na pegada de Retamar, que buscou sorprender a Edu de potente disparo cruzado. Os burelistas, incrementando cada vez máis o seu perigo sobre a meta maña; conseguiron adiantarse con Burrito en galopada, no minuto 28, e ampliar distancias inmediatamente nunha xogada a balón parado que iniciou Mimi e finalizou Antoñito. Superado o ecuador da segunda parte, Matamoros quixo sorprender dende lonxe sen resultados. Trala expulsión de Catela, por dobre amarela, o pichichi laranxa sí que encontrou o seu tan ansiado gol, no minuto 34, anotando o 5-2 case dende o chan.
Sen marxe para máis erros, o Umacón recuperou terreo con Retamar enfundado de porteiro-xogador; Víctor Tejel superou a Edu no minuto 35. Sen embargo, o xogo de cinco dos visitantes tamén resultou moi gratificante para os burelistas, que volveron a incrementar a súa vantaxe con dobrete de Burrito a porta baleira, no 36. Non baixo os brazos Zaragoza e volveu a acortar distancias, co 7-4 de Richi Felipe a tres minutos para o final. Despois de dúas grandes oportunidades laranxas, de Juanma a balón parado, e de Burrito, Victor Tejel anotou o definitivo 7-5.
Ficha técnica
Burela FS Pescados Rubén: Edu, Mimi, Burrito, Isi e Matamoros, cinco inicial; tamén xogaron Antoñito, Christian, Iago Míguez, Juanma, Carlitos.
Umacón Zaragoza FS: Abel, Catela, Víctor Tejel, Edu Duato e Retamar, cinco inicial; tamén xogaron Carlos García, Keny, Luchi, Richi Felipe.
Goles: 0-1, minuto 2, Catela; 1-1, minuto 4, Iago Míguez; 1-2, minuto 18, Richi Felipe; 2-2, minuto 22, Antoñito; 3-2, minuto 28, Burrito; 4-2, minuto 28, Antoñito; 5-2, minuto 34, Matamoros; 5-3, minuto 35, Víctor Tejel; 6-3, minuto 36, Burrito; 7-3, minuto 36, Burrito; 7-4, minuto 37, Richi Felipe; 7-5, minuto 40, Víctor Tejel
Árbitros: Contreras Tejedor // Pérez Álvarez (Castela e León)
Tarxetas: Por Umacón amarelas a Retamar (minuto 2), Keny (minuto 5), Edu Duato (minuto 32); expulsión por dobre amarela a Catela (32 e 33). Por Burela FS amarela a Iago Míguez (minuto 17).
Incidencias: Partido correspondente á vixésimo primeira xornada de Primeira División LNFS (Vista Alegre). Arredor de 1.000 espectadores nas gradas.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
