Burela, 11 de febreiro de 2014. O consumo de auga de uso doméstico por habitante e día descendeu o ano pasado nun 3% con respecto a 2012, segundo deu a coñecer a concelleira de Medio Ambiente, Patricia López Eijo. A taxa de consumo en 2013 sitúase en 125 litros por habitante e día.
A edil popular subliña que “o valor acadado o ano pasado está por debaixo do valor galego correspondente ao ano 2011 e próximo ao valor medio galego do ano 2001” e lembra que “a media galega de consumo supera os 130 litros por habitante e día desde o 2002”.
Patricia López tamén comenta que “con respecto ao último dato dispoñible a nivel nacional (ano 2011), a diferenza entre o consumo municipal e a media estatal ascende a 17 litros, o que supón un consumo municipal inferior nun 14% sobre dita media nacional”. A concelleira de Medio Ambiente engade que “a nivel estatal no ano 2011 o valor da taxa de consumo de auga acada a menor taxa desde o 2000”.
López Eijo indica que “a redución no consumo de auga en 2013 en Burela, 4 litros inferior a 2012, supón que os veciños e as veciñas de Burela reduciron o consumo de auga de uso doméstico en 14.121 metros cúbicos. Esta cifra equivale ao consumo realizado nos fogares do noso concello durante doce días do 2013. O ano pasado Burela acadou un consumo medio similar aos máis baixos de España e sitúase en niveis coma País Vasco con 117 litros por habitante e día, A Rioxa con 123 litros e Illas Baleares con 124”.
A concelleira de Medio Ambiente sinala que “desde o noso departamento seguiremos a traballar para concienciar á poboación da importancia que ten facer un consumo responsable dun ben tan prezado como é auga. Estamos satisfeitos con estes datos, pero pensamos que aínda os podemos mellorar coas campañas que levaremos adiante ao longo dos vindeiros meses”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
