“Como era de sospeitar, as perdas da pranta de Alúmina disparáronse de forma escandalosa, en gran parte motivada polas demoras dos barcos que o CSI-F xa denunciou o ano pasado que se estaban producindo e que case se cuadriplicaron con relación aos anos anteriores”, asegura José Manuel Piñar Quesada.
“Isto é so responsabilidade da xefatura da pranta por manter as materias primas en stocks mínimos ata o punto de que durante varios meses o caos foi total no Porto de ALCOA, chegándose á situación de ter que enviar un barco a media carga porque se necesitaba o muelle para outras operacións máis urxentes”, continúa.
Así mesmo, dende o CSI-F denuncian que “se está realizando gran presión sobre os mandos para que non reclamen o cobro das inxentes horas extras que se están vendo obrigados a realizar. Tamén se destituíu ó Xefe de Operacións do Puerto cando foi un dos que máis traballou por arranxar o desorde organizativo provocado pola xefatura da Planta. Así mesmo, puxéronse controladores duran 4 días a 24 horas diarias xunto ós operadores da grúa para influenciar coa súa presenza o aumento da descarga dos barcos, e todo isto para que ó final os cartos os leven os donos dos barcos que estiveron fondeados”.
“Os bos resultados da planta de Aluminio, salva o resultado final das dúas prantas de San Cibrao”, afirma Piñar Quesda. “A actual xefatura de Alúmina vai polo sétimo ano de xestión e salta á vista que é necesario un cambio, máis aínda cando ALCOA suele cambiar a xefatura das súas prantas cada dous anos para, desta forma, permitir aplicar novas iniciativas”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
