Foz, 5 de febreiro de 2014. Operarios municipais retiraron este mércores os materiais estragados polo temporal de onte no IES de Foz, onde este xoves xa haberá clases. Explicouno o alcalde focense, Javier Jorge Castiñeira, despois de visitar o centro. O rexedor tamén comentou que a busca do rapaz desaparecido o domingo está suspendida por mar e aire, pero continúa por terra.
“Hoxe ás oito da mañá operarios do Concello procederon a retirar todos os escombros que ocasionou o temporal de onte na cuberta do pavillón do IES de Foz. Os danos son importantes e retiráronse arredor de 200 metros cadrados de pranchas metálicas de 6 metros, que á súa vez danaron parte da fachada e levaron por diante sete ou oito ventás de aulas do edificio do IES de Foz”, manifestou Javier Castiñeira.
O alcalde destacou que “a sorte neste caso foi que os alumnos estaban nas súas casas e só temos que lamentar danos materiais, que foron cuantiosos. Hoxe os técnicos da Consellería de Educación estiveron con nós e cos directivos do IES valorando os danos e analizando como vamos facer os traballos para volver á normalidade. O que se conseguiu é que mañá os alumnos poidan volver ás clases, posto que hoxe quedaron suspendidas para evitar calquera tipo de incidencia que fora en contra da seguridade dos alumnos”.
Castiñeira agradeceu “a dispoñibilidade de todos os medios humanos e materiais dos compañeiros do Concello e de Protección Civil, que están facendo un traballo enorme nun momento delicado no que se están acumulando numerosos incidentes provocados polas inclemencias meteorolóxicas. Seguimos en alerta e quero dicirlles novamente a todos os veciños e cidadáns que teñan moita preocupación, que non se acheguen á costa, que deixen as fotografías para un mellor momento, porque calquera sitio do litoral e que estea exposto ás inclemencias do tempo é perigoso. A costa está moi inestable e calquera sitio pode causar un incidente grave, como lle sucedeu ao noso veciño de 15 anos Andrés, que segue en busca”.
O rexedor focense explicou que os labores de busca seguen por terra, pero están paralizadas por mar e aire, posto que “as inclemencias do tempo non permiten saír aos helicópteros e á lancha Salvamar, que están tamén pendentes de posibles incidencias como a de onte, que tiveron que saír a rescatar cinco tripulantes dun mercante. O Concello ten ao equipo de Protección Civil rastrexando polas praias e o resto de Concellos próximos tamén están colaborando, polo que hai que agradecerllo aos equipos de emerxencias de Barreiros e Cervo”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
