Cervo, 24 de febreiro de 2014-O goberno municipal de Cervo ofreceu este luns unha rolda de prensa na que expuxo, con datos e escritos, “a única verdade” sobre a multa de 20.000 imposta pola Deputación e que foi pagada a semana pasada con fondos municipais. Unha sanción imposta polo Goberno Provincial ao Concello, a pesar de que foi a empresa adxudicataria a que colocou mal os postes da obra de saneamento da Senra.
O rexedor, acompañado dos edís, tomou como base a acta dunha reunión celebrada o 26 de setembro de 2012 entre o Concello, Augas de Galicia, e a empresa. Unha acta na que a propia empresa asumía a responsabilidade dos erros na obra da Senra e, ao mesmo tempo, se comprometía a pagar a multa de 20.000 euros. De feito, ese mesmo día, a empresa entrega ao Concello un cheque. Pero en realidade, dito cheque se atopaba sen provisión de fondos, polo que o Concello non puido cobralo.
Un cheque que foi amosado aos medios de comunicación que asistiron á rolda de prensa e que comprobaron que foi devolto pola entidade bancaria por non dispoñer de fondos. A partir dese momento, a empresa desapareceu e nin Augas de Galicia nin o Concello puideron contactar con ela.
Pero hai unha administración que, supostamente, si que puido contactar coa empresa desaparecida: A Deputación. “De onde senón obtería a Deputación a acta da reunión de 26 de setembro?” pregunta o rexedor, que deixou claro que a acta é pública, forma parte dun expediente, e que calquera persoa que o solicite podería consultala. “Non consta, nin en Augas de Galicia nin no Concello, ningunha petición para consultar o expediente, polo tanto, só queda unha opción: que a Deputación estea en contactos coa empresa”.
Explicacións
Neste sentido, o rexedor pregúntalle aos responsables da Deputación, e a Lara Méndez en particular, como vicepresidenta segunda, veciña de Cervo e que votou a favor de multar aos veciños de Cervo: “Por que a Deputación é a única administración que si atopa a unha empresa desaparecida e que dá cheques sen fondo?” e tamén “que tipo de relación mantén o Goberno Provincial cunha empresa á que se lle enviaron numerosos requirimentos e que sempre viñeron devoltos por ter un destino descoñecido?”.
“Como é posible que a empresa estea desaparecida para uns e, segundo parece, non para outros?” engade o rexedor, que cualifica de “sospeitosa” esta posible relación entre a Deputación e a empresa. Uns feitos que levan ao Concello a facer outra pregunta: “Esta suposta boa relación entre a Deputación e a empresa tivo algo que ver con que o Goberno Provincial nunca falase da empresa como responsable da mala colocación dos postes?”.
Ou tamén: “Esta suposta complicidade tivo algo que ver con que a Deputación non multase á empresa, a verdadeira responsable?”. Para Villares é “moita casualidade” que “a empresa parecese sempre “intocable”, e descubramos agora que Deputación e empresa manteñen, supostamente, unha estreita relación”.
A multa: pagada polos veciños
Todos estes feitos demostran que o Concello dixo a verdade sempre: “A Deputación multou aos veciños, e a multa pagárona os veciños”. “Por suposto que a administración cervense tentou que a empresa, que se declarou responsable, pagase a multa” afirma o rexedor. “Era a nosa obriga e o noso deber facer pagar a multa e aos responsables, e non con cartos públicos” engade.
“De feito, sempre defendemos que a multa tiña que ir dirixida á empresa, pero por un estraño motivo, a Deputación tivo sempre a un obxectivo claro: o Concello de Cervo” explica Villares. “Buscamos dialogar co Goberno Provincial, apelamos á súa vontade, e só atopamos unha Deputación que multa a uns veciños inocentes, co voto cómplice dunha veciña súa, e vicepresidenta segunda, Lara Méndez”. O alcalde esixe aos responsables da Deputación que dean “as oportunas e necesarias explicacións aos veciños e as moi necesarias desculpas polas insidias calumniosas manifestadas estes días”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
