A min cos corruptos pásame como cos drogadictos: non teño moi claro a quen hai que incluír nesas definicións. Porque hai moitos tipos de corrupcións igual que hai moitas clases de drogas, algunhas delas legais e incluso ben vistas pola sociedade.
Moita xente cando fala de corrupción refírese exclusivamente á que cometen algúns políticos, pero esquécese de que desa mala conduta tamén son protagonistas algunhas veces funcionarios, empresarios, médicos, avogados, traballadores autónomos, empregados por conta allea, xubilados, desempregados e outros cidadáns. Para min os políticos non son un colectivo diferente a calquera outro: hainos bos, regulares e malos.
Pola miña profesión nos últimos 26 anos tiven a sorte ou a desgraza (depende dos casos e das circunstancias) de relacionarme con moitos políticos e creo que a maioría son xente honrada, polo menos tanto como as persoas que pertencen a outros colectivos.
É certo que algúns deles teñen un status e uns ingresos que nunca lograrían se non estivesen na política, pero aínda que chamen moito a atención son unha minoría. Sen embargo hai moitos, sobre todo no ámbito dos municipios pequenos (os responsables das executivas locais dos partidos e case todos os concelleiros), que non sacan ningún beneficio económico dese labor e incluso lles supón perder diñeiro polos gastos que pagan do seu peto. Coñezo a varios da Mariña que están nesa situación.
Con isto non quero dicir que debemos apiadarnos deles pois están aí porque queren, pero si creo que o seu papel debe ser recoñecido, igual que penso que ten que ser valorado o labor dos que traballan para os demais noutros ámbitos, como asociacións veciñais, clubs deportivos, comisións de festas e outros colectivos sen ánimo de lucro.
Por iso ese comentario, que cada vez se escoita máis, de que os políticos son todos corruptos e que están aí para beneficiarse dos seus cargos non me parece xusto, como tampouco me parece ben que se acuse a todos os que traballan en agrupacións como as comisións de festas de estar nelas para lucrarse, aínda que poida haber algúns que o fagan.
Beni Mántaras.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
