Lourenzá, 19 de marzo de 2014. Para celebrar o Día da Muller o CEIP Juan Rey, de Lourenzá, acolle unha exposición, o pasado luns unha houbo unha charla para os alumnos de 3º, 4º, 5º e 6º de Primaria e este xoves terá lugar outra para os de Infantil, de 3, 4 e 5 anos, e tamén para os de 1º e 2º de Primaria. Ademais tamén este xoves, pero neste caso no salón de actos da Casa do Concello ás cinco da tarde, desenvolverase un obradoiro sobre desigualdade de xénero.
Son actividades organizadas polo Concello e a alcaldesa, Emma Álvarez Chao, explicou que o acto de mañá “correrá a cargo da ong Mundo Cooperante e falarase das desigualdades que sofre a muller en tódolos aspectos da vida. Aínda que hora non é a habitual das charlas mensuais que acostumamos a facer agardamos que teña unha moi boa acollida e que todas as mulleres e homes que poidan se pasen polo Concello”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
