Lugo, 19 de marzo de 2014.- O Grupo Provincial do Partido Popular aclara que a imposición de cláusulas sociais nos contratos “non é unha actuación innovadora” da Deputación Provincial de Lugo.
Os populares explican que o dereito comunitario prevé dende o ano 2004 o establecemento de cláusulas sociais nas condicións de execución dos contratos, polo que dende aquela, explican os populares “son cantidades de administracións as que se acolleron a este regulado e solicitaron incluso informes ao respecto”.
Dende o Grupo Provincial do Partido Popular aseguran que unha vez máis o presidente da Deputación de Lugo, José Ramón Gómez Besteiro, está a “vender fume” ao anunciar como pioneira unha actuación que regula a lexislación contractual dende fai dez anos.
O PP advirte que as cláusulas sociais non se poden prever como un criterio para valorar na selección do contratista
Os populares quixeron advertir a Besteiro sobre o que regula a normativa neste ámbito. Neste senso, dende o GPP explican que a lexislación contractual prevé o establecemento de cláusulas sociais nas condicións de execución do contrato, pero prohibe que se valoren as ofertas con arranxo a estas cláusulas.
É dicir, “estas cláusulas non poden ser un criterio a valorar á hora de seleccionar ao contratista e polo tanto ao adxudicar a obra, pero si pode ser unha condición imposta na posterior execución do contrato”.
Polo tanto, os populares non só lle lembran a Besteiro a existencia de antecedentes, senón que tamén lle advirten de que a imposición non vulnere informes previos existentes da Xunta Consultiva de Contratación Administrativa, -tribunal independente ao que se lle elevan consultas acerca da lexislación contractual-.
Neste senso, os populares poñen como exemplo un informe 12/11, de 28 de outubro de 2011, da Xunta Consultiva de Contratación Administrativa en resposta á petición dun Concello de Barcelona.
A referencia a este informe comproba a existencia de antecedentes e que, polo tanto, non se está a falar dunha actuación pioneira a maiores de recoller que só resulta admisible o establecemento destas condicións na execución; pero non criterios de adxudicacións que valoren estas cláusulas sociais.
O GPP agradece actuacións que garantan un emprego de calidade
O Grupo Provincial do Partido Popular manifesta o seu agradecemento a calquera tipo de actuación dirixida a garantir o emprego de calidade e, polo tanto, os dereitos dos traballadores durante toda a relación contractual coa empresa.
Porén, os populares amósanse críticos coa actitude propagandista da Deputación Provincial de Lugo, que a través de dotes verbais tentan vender aquilo que non é unha realidade.
Neste mesmo senso, dende o GPP tamén lle piden a Besteiro que, ao igual que propón ás empresas adxudicatarias, tamén aplique na Deputación a maior calidade posible no traballo.
Os populares fan estas declaracións ao lembrar denuncias públicas dalgún sindicato por recortes salariais e polas condicións laborais que se estaban a dar en algunha área, por exemplo, recadación.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
