A Asociación Cultural mariñá “OS AVENTADOS” presentará este venres 14 de marzo en RegalXunqueira, Viveiro, a Festa dos Aventados que se celebrará en San Cibrao o 22 de marzo.
No acto de presentación participarán Pablo Mosquera, presidente do colectivo, Otero Regal, vicepresidente, e Abella, o secretario da mesma, para convocar os premios Árdelle o Eixo, Árdelle o carro, Toda unha vida e “A” de Calidade 2013.
Os socios deberán propoñer ás persoas que cren merecentes destes galardóns de carácter anual, para que sexa un xurado nomeado pola xunta directiva o que escolla os premiados cunha escultura de cerámica de Otero Regal sen ningunha outra gratificación económica.
O premio ÁRDELLE O EIXO é para aquela persoa, animal ou cousa do norte galego que se distinguiran pola súa labor social, política, artística, deportiva, industrial, medioambiental e de conservación do patrimonio; mentres que o premio ÁRDELLE O CARRO se dedica a aquela persoa, animal ou cousa do norte galego que se distinguira ó cabo do ano pola súa nefasta xestión no ámbito social, político, artístico, deportivo, industrial, medioambiental e de conservación do patrimonio.
En anos pasados foron premiados Díaz Pardo, Ramón Pernas, Jesús López (ex-alcalde de Xove), Carlos Novo Cal, Jesús Fernández, Restaurante Boavista, Restaurante O Asador ou Restaurante de Cordido, entre outros. E, no aspecto negativo, os premiados foron a masiva plantación de eucaliptos, os transfugas políticos, a destrucción do patrimonio histórico e monumental, o alcalde de Barreiros por permitir a destrucción urbanística do municipio ou Urdangarín, como símbolo de corrución, entre outros.
Fai tres anos creáronse tamén os premios A TODA UNHA VIDA, dedicados a unha persoa pola súa traxectoria profesional, social, vital e persoal; ademais do distintivo “A” (de Aventados) DE CALIDADE, que foi concedido a tres hoteleiros, hosteleiros e restauradores da Mariña de Lugo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
