BURELA, 15 DE MARZO.- Os socialistas da Mariña concentráronse este sábado nas inmediacións do Hospital da Costa, onde amosaron o seu rexeitamento unánime ao desmantelamento que está a levar a cabo a Xunta de Galicia de dito centro sanitario, e que está a ser denunciado polos propios facultativos e outras entidades da comarca. Por este motivo, esixiron a recuperación da área de xestión sanitaria propia, e que se faga a ampliación real e efectiva no menor tempo posible.
A repulsa manifestada hoxe pola coordinadora comarcal –Mayra García-, deputados autonómicos e provinciais –José Ramón Val, Lara Méndez e Alfredo Llano-, voceiros do PSOE nos Concellos e secretarios xerais das agrupacións locais, dá continuidade ao acordo acadado este xoves na reunión que mantiveron en Viveiro, e na que anunciaron que, nos respectivos Plenos, pedirán o apoio do Partido Popular para que o Executivo autonómico “recapacite e dé marcha atrás, xa que, co novo modelo de xestión, o único que conseguirá é dar o tratamento erróneo aos mariñanos”.
Investimento e equipamento “tirado ao lixo”
Coa aprobación do Decreto 55/2013 polo Goberno de Feijóo, o Hospital pasará de ser autónomo a depender do HULA. Por iso, os socialistas coinciden co persoal médico en que esa perda de autonomía provocará que “o que vai ter a Mariña non é un Hospital senón un simple ambulatorio. É dicir, con este cambio, a Xunta de Galicia tira ao lixo o investimento realizado e un equipamento que cumpre todos os parámetros necesarios para contar coa área de xestión propia, que, ata o de agora, atendía a preto de 90.000 persoas”. A este respecto, subraian que “pasamos de ter os especialistas a poucos minutos a telos a máis de 100 quilómetros. A ninguén se lle escapa que isto supón un empeoramento da calidade de vida dos nosos cidadáns”.
Concretamente, as consecuencias da área de xestión integrada e de que o Hospital non teña partida orzamentaria propia son, segundo indicaron os socialistas, a perda de servizos asistencias, de calidade na atención sanitaria, de emprego, de capacidade resolutiva e, “o que aínda é máis sangrante”, o traslado de pacientes ao HULA ou a clínicas privadas co custe que isto supón para a Sanidade pública e para “os petos de todos nós. Era evidente que o fin deste modelo sanitario era a privatización deste servicio público, que é no que basa as políticas o Partido Popular: beneficiar a uns poucos en detrimento da maioría”, afirmaron.
“Non é unha actitude partidista”
Asimesmo, os representantes do PSOE na Mariña puntualizaron que a concentración “non é unha actitude partidista, pois non somos só os partidos políticos os que denunciamos esta situación, senón que é unha reivindicación dos dereitos de todas e todos os mariñáns. Por iso, dende o Partido Socialista demandamos unha resposta masiva de todas e todos os usuarios para a manifestación do día 26. Queremos unha Sanidade universal, gratuita e de calidade porque esta foi a herdanza que nos deixaron os Gobernos socialistas”.
Consideran que, esta situación que foi provocada unicamente polos políticos do Partido Popular, con representación na Xunta, na provincia e nos Concellos, demostra “o desprezo dos dirixentes do PP aos veciños da Mariña”.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
