Representantes dos concellos da zona norte da provincia foron os destinatarios dunha nova xornada formativa impulsada pola DXT, a través da Subdelegación do Goberno, que este luns se celebrou en Vilalba co obxectivo de sumar esforzos a prol da seguridade no ámbito urbano.
A esta xuntanza, á que asistiu a xefa provincial de Tráfico, Paula Yubero, estaban convocados representantes dos concellos da zona norte da provincia coma por exemplo, dos mariñáns de Ourol, O Vicedo, Xove, Ferreira do Valadouro, Alfoz, Barreiros, Lourenzá, Trabada, Riotorto e A Pontenova; pero tamén Abadín, A Pastoriza, Begonte, Cospeito, Muras, Xermade e Meira.
O primeiro destes encontros celebrouse o martes 1 de abril cos 17 concellos da provincia que teñen Policía Local, e o segundo foi o venres 4 e dirixíase aos concellos da zona sur.
Xornadas formativas
A Dirección Xeral de Tráfico promove estas xornadas formativas co ánimo de impulsar a colaboración entre administracións e de potenciar accións que melloren a mobilidade e a seguridade no ámbito urbano. A DXT quere incidir no feito de que os accidentes con vítimas en zona urbana seguen supoñendo unha alta porcentaxe da sinistralidade vial. De feito, segundo os datos publicados no documento das Principales Cifras de la Siniestralidad Vial 2012, os accidentes con vítimas en zona urbana representan o 57% do total e os falecidos neses sinistros supoñen o 24% do total de vítimas mortais en accidentes de tráfico. Isto supón un aumento con respecto ao ano 2011, mentres que os falecidos en vías interurbanas se reduciron un 13% no mesmo período.
En Galicia, as vías urbanas rexistraron o 20,33% do total de accidentes en 2012 e o 17,19% das vítimas mortais. Na provincia de Lugo esas porcentaxes sitúanse no 28,57% e 15,15% respectivamente.
O Estado considera que o traballo nos núcleos urbanos pode redundar en importantes beneficios a curto e medio prazo, pero para elo é imprescindible a colaboración das autoridades locais competentes na material, de aí o interese deste tipo de xornadas formativas cos concellos.
Medidas para reducir a sinistralidade
A xefa provincial de Tráfico presentou este luns aos representantes municipais a posibilidade de intercambiar datos coa DXT para poñer en marcha medidas encamiñadas a reducir a sinistralidade nas vías urbanas. Entre esas accións salientan a mellora na recollida de información en materia de accidentes, a posibilidade de intervir con modificacións estructurais de baixo custe para segregar os diferentes tipos de tráfico, promovendo a implantación dos plans de seguridade vial ou, por exemplo, de camiños escolares seguros. Mencionouse tamén o uso de medidas telemáticas de control de tráfico, a adhesión ás campañas de seguridade vial que programa a DXT ou a inclusión de aspectos vencellados á mobilidade seguras nas actividades formativas que programe o municipio.
No encontro abordouse tamén a posibilidade que teñen os concellos de asinar convenios de colaboración coa DXT para seguir a traballar de xeito conxunto en mellorar a seguridade vial e dar un servizo mellor e máis eficaz aos cidadáns no que a aspectos administrativos se refire.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
