Curso sobre a intimidade e a protección de datos na UNED de Viveiro

A aula da UNED de Viveiro acolle os venres 9 e 16 de maio un curso sobre a intimidade e a protección de datos que será impartido por Carmen María García Miranda. O curso impartirase en horario de 16.00 a 21.00 horas cun total de 10 horas lectivas presenciais ou por streaming nas que se abordarán os soportes da información, ficheiros de datos, nivel de protección, dereito de acceso, rectificación, cancelación e olvido; a videovixilancia, elaboración de documentos de seguridade e software adaptado para ficheiros que traten datos privados, empresas que prestan servizos en varios países ou as solucións de xurisprudencia. O prezo da matrícula -que se pode realizar on line– é de 35 euros ou 25 no caso de persoal vinculado á UNED. Os interesados poden recibir máis información no enderezo electrónico viveiro@lugo.uned.es ou no teléfono 982 563 601.