Ribadeo, 7 de abril de 2014. O Concello ven de enviarlle unha carta á conselleira de Traballo e Benestar, Beatriz Mato, pregándolle que remova os obstáculos que poidan existir para que os veciños e as veciñas de Ribadeo poidan ver cumprido o obxectivo de contar cunha residencia de maiores nos prazos e cantidades económicas comprometidas por todos.
A carta que asinan o portavoz da plataforma veciñal, os portavoces dos grupos políticos no Concello, a concelleira de Servizos Sociais e o alcalde di así: “Como ben lembrará, en outubro de 2013 enviounos a proposta da Consellería que vostede dirixe para manifestarnos o apoio na medida das súas posibilidades para a construción da futura Residencia de Maiores de Ribadeo. Nese escrito, froito da petición unánime de todas as formacións políticas e asociacións veciñais do municipio, comprometíase a apoiar parte do finanzamento da obra significando 200.000 euros para este ano 2014 e 300.000 euros para o vindeiro ano 2015. Ademais, nese documento expúñanse unhas liñas de actuación, entre elas, a entrega dun plan de viabilidade para o mantemento futuro das instalacións”.
Na carta remitida hoxe sinalan que “como tamén ben saberá, toda esa documentación xa lle foi remitida o 20 de decembro de 2013 sen que até o momento teñamos recibido a máis nimia resposta. Debo asemade indicarlle, que pola Deputación de Lugo foi axilmente resolto xa a finais de 2013 un procedemento similar e coa singularidade de que a cantidade económica conveniada foi sensiblemente máis elevada, uns 1.823.000 euros”.
A comisión pro residencia de maiores en Ribadeo engade que “dirixímonos polo tanto a vostede de novo, porque a obra, aínda que está en proceso de licitación dentro dos seus prazos, é o Concello quen de xeito temporal e transitorio se viu obrigado a subrogarse nas cantidades que a Xunta se comprometeu, e so na medida en que neste primeiro ano unha parte importante do financiamento recaerá sobre a Deputación, pois doutro xeito non poderíamos estar a licitar as obras de construción da Residencia, xa que o exiguo orzamento municipal non ten en ningún caso a capacidade nin a posibilidade de asumir os compromisos propios e os da administración que vostede representa. Tal e como no seu escrito de outubro indicaba, compre polo tanto asinar canto antes o oportuno convenio entre a Xunta e máis o Concello de Ribadeo, pois se se demora moito máis dificilmente se han poder xustificar neste exercicio eses 200.000 euros a que vostede facía referencia”.
O escrito enviado á conselleira Beatriz Mato remata: “por todo o anterior pregámoslle encarecidamente que dea as instrucións precisas ou remova os obstáculos que poidan existir para que os veciños e veciñas deste Concello poidan ver cumprido este obxectivo nos prazos e cantidades económicas comprometidas por todos, tamén coa súa Consellería”.
Asinan a carta: José Mª Rodríguez, Agustín Reimóndez, Eduardo Gutiérrez, Manuel Valín, Teresa González e Fernando Suárez.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
