Dende o PSdeG-PSOE de Burela no noso afán de abordar temas que poden influír na vida dos nosos veciños e veciñas, e despois de ter feito xa dúas charlas na que tratamos asuntos de interese na vida da nosa vila e dos seus cidadáns como foron: “Os abusos das compañías eléctricas” (21/12/2013) e “A reforma pesqueira na Unión Europea” (21/02/2014), queremos seguir a afrontar temas de actualidade e que poden espertar o debate e a opinión dentro da nosa sociedade.
Polo anteriormente exposto o vindeiro día 24 de abril (xoves), imos a celebrar no Salón de Conferencias de Burela ás 20:30 horas unha nova charla na que imos abordar a Lei do aborto e a reforma que ten pensado aplicar o goberno do Partido Popular unha vez pasen as eleccións europeas.
Na charla van a intervir a Deputada Provincial Sonsoles López, concelleira e portavoz do PSdeG-PSOE no Concello de Paradela, e unha firme defensora dos dereitos das mulleres. E o Médico-Xinecólogo Cristóbal Garfia, un profesional contrastado no mundo da xinecoloxía que nos dará unha opinión profesional sobre a lei de aborto actual, da pasada e da reforma que propón o Partido Popular. O acto será presentado polo Secretario Xeral da Agrupación de Burela, Ramiro Fernández e contará coa Coordinadora Comarcal do PSdeG-PSOE da comarca da Mariña, Mayra García, que moderará a charla e dará paso as preguntas e dúbidas dos asistentes sobre este asunto que imos a tratar.
Dende o PSdeG-PSOE de Burela queremos convidar a todos os veciños e veciñas de Burela a participar activamente nesta interesantísima charla-coloquio que seguro nos sacará de moitas dúbidas sobre o dereito da muller ó aborto, e as consecuencias que ten a devandita lei na vida das nosas mozas e mulleres, e tamén na vida familiar dos cidadáns.
O PSdeG-PSOE de Burela vai a seguir nesta mesma liña de traballo e vai tentar de seguir a facer estas charlas-coloquio que nos parecen moi interesantes para os intereses dos veciños e veciñas de Burela.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
