Quedada para coñecer o circuíto da Carreira popular das praias o 1 de maio

Os organizadores da Carreira popular das praias, trala petición dalgúns amigos, organizamos unha quedada para adestrar o circuíto da “Carreira popular das praias”.

Tendo en conta que non se celebra “A carreira da troita” en A Pontenova e aproveitando o bo horario da marea, a quedada será o día 1 de maio, diante do hotel Ría do Masma, en Punta Anguieira, San Bartolo, Barreiros, lugar de saída da carreira. O horario será ás 12.15 horas.

Teremos servizo de duchas para quen o desexe no campo de fútbol do Cascabeiro (Barreiros, a 1 km.).

Non é necesario a inscripción para a quedada, o único, cada participante deberá traer o seu propio avituallamento.

Dicir tamén, que o que desexe quedarse a compartir unha comida ó remate da quedada, temos concertado unha no Café Bar Moderno de Barreiros, con menú ó prezo de 10 € para adultos e 5 € para nenos. Os interesados nesta opción (non obrigatoria) deben contactar directamente con Suso (Café Bar Moderno) no tfno. 982 124 085.

Simultaneamente, organizase unha “Andaina das praias”. Será o mesmo día 1 de maio. A saída será ás 10.00 horas dende a praia de Arealonga, xunto ó restaurante La Yenka. Percorreranse toda-las praias de Barreiros de este a oeste, coincidindo coa kedada a partir da praia de Lóngara. A camiñata terá unha duración aproximada de 3 horas e un percorrido de 8 km.

Os participantes contarán cos mesmos servizos que a quedada e a opción da comida.

Non é necesario inscribirse para a andaina e si para os que desexen participar na comida (chamando directamente a Suso do Café Bar Moderno – 982 124 085).