Santiago, 22 de abril de 2014.- A localidade mariñá de Burela vaise converter os vindeiros días 8 e 9 de maio nun “referente para a náutica pesqueira de toda España”, coa celebración da vixésimo primeira edición das xornadas técnicas “Expomar 2014” e do décimo quinto encontro empresarial de organizacións pesqueiras.
Así o considerou a conselleira do Medio Rural e do Mar, Rosa Quintana, na presentación destes eventos, que tivo lugar este martes en Santiago.
Rosa Quintana salientou que as xornadas técnicas estarán dedicadas, unha vez máis, a dous temas interesantes e de actualidade, como son por un lado as consecuencias das normas comunitarias na regulación da pesca e por outro a sustentabilidade pesqueira.
En canto á primeira cuestión –a aplicación das normas comunitarias–, a conselleira valorou que se analicen, desde a tripla perspectiva da Administración, a investigación e as organizacións pesqueiras profesionais, asuntos tan importantes como as tripulacións mínimas ou a utilización práctica do novo Fondo Europeo Marítimo e da Pesca.
En relación co segundo tema das xornadas –a sustentabilidade pesqueira–, Rosa Quintana dixo que abranguerá aspectos como a normativa europea sobre descartes, as áreas mariñas protexidas como ferramentas de xestión de ecosistemas sostibles ou as experiencias no sector neste eido.
A conselleira felicitou aos organizadores por ser quen de xuntar neste evento as opinións e experiencias de persoas especializadas nestas cuestións e dixo que deste xeito se poñen “os alicerces para que o sector obteña froitos positivos, porque é así como entre todos –sector, administración e científicos– conseguiremos o éxito, como garantiremos a pervivencia e a mellora desta actividade pesqueira tan esencial para Galicia e que é a razón de ser de Burela”.
A titular de Medio Rural e Mar destacou tamén a importancia da xuntanza empresarial como “punto de encontro das organizacións de toda Galicia cos representantes doutras comunidades autónomas e, por suposto, coas federacións de confrarías”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
