Vista Alegre prepárase para o gran día. A bomboneira ten mañá nas súas mans o billete para o play off a dúas xornadas do remate ligueiro nunha gran festa do fútbol sala galego (18.30 horas), coa vista do Santiago Futsal, que chega á Mariña coas mesmas necesidades ca os laranxas. O cadro de Juanlu pechou a preparación da semana esta mañá, sen novidades na convocatoria. O vestiario ao completo estará preparado para a gran cita do ano; Hugo, que mantivo repouso durante estes días por unha luxación de clavícula, tamén entrará na lista.
Composteláns e burelistas chegan ao compromiso decisivo defendendo a oitava e novena prazas respectivamente, empatados a 36 puntos e tamén con igualada na primeira volta, no Sar (1-1). Despois dunha meritoria segunda volta, con 20 puntos en 12 partidos, agora tócalle decidir á Mariña: “É o momento de desquitarnos dunha primeira volta discreta e de recuperar eses tres puntos que perdemos de Santa Coloma (4-5) nos minutos finais. Se nos facemos coa vitoria, a presenza en play off estaría garantida nun 90% antes do partido final” así falaba das posibilidades laranxas Juanlu.
Presión, intensidade e contraataque son as grandes armas santiaguesas contras as que debe pelexar o conxunto burelao. “Espero un encontro equilibrado; os dous equipos traballamos ben en defensa, pero tamén aos dous nos está custando facer goles. Creo que teremos un final apertado” adiantaba Juanlu, incidindo na transcendencia da fortaleza burelista dende o asubío inicial: “Temos que saír fortes dende o comezo, porque se se poñen por diante, aínda o teremos máis complicado precisamente por esa presión e intensidade que exercen” puntualizaba o adestrador mariñán.
Este sábado será o día de Vista Alegre, da fiel marea laranxa que sempre axuda o CD Burela FS cos seus cánticos, coa súa calor, co seu especial agarimo… nos momentos decisivos. “É o día de Vista Alegre, da pista e da bancada. Sabemos que non vai ser todo perfecto, que imos pasar momentos difíciles durante os corenta minutos e é aí onde a afección nos ten que axudar para poder volver tomar as rendas e seguir pelexando” dicía Juanlu.
Despois de xa visitar a bomboneira o martes pasado en amigable solidario cos laranxas, a selección de Vietnam e o seu técnico, o ferrolán Bruno García, tamén presenciarán o emocionante derbi galego polo play off.
Última xornada
Os pupilos de Juanlu despedirán a fase regular de liga o venres 25, na pista do Marfil Santa Coloma, ás 21.00 horas (horario unificado). Ao Santiago Futsal tocaralle recibir a ElPozo Murcia.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
