Cervo, 18 de abril de 2014- Decenas de coches clásicos percorrerán o municipio na primeira concentración de vehículos deste tipo que se celebra en Cervo. Será o domingo día 18 de maio e o percorrido partirá da praza do Concello, incluíndo unha ruta polos puntos máis atractivos do municipio e que rematará na praza dos Campos.
O edil de Seguridade Cidadá, José Ramón Soto así como o presidente do Auto Club Clásicos Narón, José Ángel Hermida, a secretaria, Dolores Blanco e o socio José Antonio Muíño, que organizan esta cita coa colaboración do Concello, deron a coñecer os detalles do evento.
En concreto, a concentración discorrerá por puntos como o Conxunto Histórico Artístico de Sargadelos, a estrada que bordea a franxa marítima, o núcleo de San Ciprián, ou o faro de Punta Atalaia. Da mesma maneira, tamén está prevista unha visita á fábrica de cerámica de Sargadelos, ao Museo do Mar e á carpintería de ribeira por parte dos asistentes.
Unha concentración que está aberta a todas as persoas que dispoñan dun coche antigo e que desexen coñecer o municipio. Para poder participar é necesario inscribirse, e o prazo está aberto ata o 14 de maio no teléfono 669 653 977. Polo momento xa está confirmada a asistencia de persoas procedentes de Asturias, Ourense, Lugo e Narón.
Así, Soto destaca esta concentración como “unha oportunidade excelente para dar a coñecer o noso municipio entre os participantes e, ao mesmo tempo, unha iniciativa que redundará de forma inmediata no comercio e a hostalería local”. O edil de Seguridade Cidadá resalta tamén que este evento será “un espectáculo para o público, que poderá ver decenas de vehículos clásicos reunidos e circulando por lugares emblemáticos do municipio”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).