Por iniciativa da Deputación de Lugo o próximo xoves 8 de maio impartiranse en Burela dous cursos sobre novas tecnoloxías para maiores de 55 anos.
A cada curso correspóndelle unha acción formativa. Este xoves desenvolveranse dúas accións formativas prácticas de cinco horas de duración cada unha. As persoas interesadas poderán elixir entre a realización de aprender a utilizar eficazmente os buscadores ou a aprender a comunicarse por e-mail.
En cada un dos cursos tamén se comentarán e se realizarán o maior número posible de actividades e recursos relacionados coas novas tecnoloxías, como usar Internet para aprender, comprar ou pedir cita no médico; aprender a empregar o móbil e as cámaras dixitais, ou mellorar a memoria e a coordinación coas TIC .
Para participar nestes cursos a Deputación e Concello de Burela ( que está colaborando nesta iniciativa) invitaron a diferentes colectivos locais como, por exemplo, a Asociación de Amas de Casa, Xuntanza, A Moncloa, etc. En cada sede dos diferentes colectivos hai follas para apuntarse e elixir a acción formativa. O prazo remata o mércores día sete e os cursos serán impartidos nas aulas que o Concello ten nas antigas instalacións de Expomar.
A Deputación organiza esta programación destinada ás persoas maiores deste Concello para contribuír na mellora da súa calidade de vida, aumentar a súa autonomía e mellorar as súas capacidades cognitivas e funcionais. Deste xeito, as TIC axudan a corrixir as posibles desigualdades sociais.
“Estes cursos e obradoiros, que son gratuítos, están financiados nun 80% con Fondos Europeos. E intención da Deputación ofertar estas accións formativas noutros concellos da Mariña se hai demanda”, asegura Alfredo Llano García, Deputado de Economía do Coñecemento, Emprendedores e Innovación.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
