O Grupo Municipal Socialista de foz presenta unha Moción instando á Consellería de Sanidade á retirada da medida prevista polo Sergas consistente no peche de máis dun millar de camas durante o período estival nos complexos hospitalarios públicos galegos.
En Foz, a 27 de maio de 2014.
O Sergas conta con 7.315 camas repartidas nos catorce complexos hospitalarios públicos. Delas, estarán pechadas este verán, durante os meses de xullo, agosto e setembro, unha media de 1.095 camas, o 14 % do total. É a cifra máis alta dos últimos dez anos, ata o punto de que duplica os datos do 2007 ou do 2009. Non obstante, nos últimos anos o aumento de camas pechadas foi incrementándose progresivamente verán tras verán, ata superar o millar no vindeiro período estival.
Polo que respecta á nosa provincia, nos tres hospitais de Lugo pecharán 150 das 1.008 camas, e, en concreto, no Hospital da Costa de Burela pecharán 30 camas, prescinden de 15 camas en Traumatoloxía e dotras 15 en Ciruxía, o que supón o 22 % do total das que dispón o hospital mariñán.
As razóns que aducen os responsables das estruturas de xestión integrada son sempre as mesmas: a caída do índice de ocupación que se produce sempre no verán pola redución estacional de patoloxías, e a necesidade de planificar as vacacións dos profesionais que demandan os meses de xullo, agosto e setembro maioritariamente. Razóns que dende o Grupo Municipal Socialista de Foz non atopamos en absoluto xustificadas, polo que nos opoñemos totalmente ao peche de camas hospitalarias, pois pensamos que ditas medidas do Sergas provocan un grave deterioro da calidade asistencial, con colapsos nos servizos de urxencias e un grande aumento das listas de espera, consecuencias que se agravan máis aínda naquelas comarcas nas que aumenta considerablemente a súa poboación durante a época estival debido ao turismo, como é o caso da Mariña; conlevando, ademáis, un maior paro no sector, porque apenas se contratan sustitutos para cubrir vacantes, tal e como se ven denunciando por parte das distintas organizacións sindicais.
Polos motivos expostos, dende o Grupo Municipal Socialista do Concello de Foz presentamos para o seu debate e posterior aprobación polo Pleno da Corporación, a adopción do seguinte ACORDO:
Que dende o Concello de Foz se inste á Consellería de Sanidade á retirada da medida prevista polo Sergas consistente no peche de máis dun millar de camas durante o período estival nos complexos hospitalarios públicos, pois dita medida provocará un grave deterioro da calidade asistencial, con colapsos nos servizos de urxencias e un grande aumento das listas de espera.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
