Burela, 21 de maio de 2014.- O Secretario Provincial –Juan Carlos González Santín-, o de Organización–Carlos Ferreiro-, a coordinadora do PSOE na Mariña –Mayra García-, e outros socialistas mantiveron esta tarde unha reunión cos representantes da plataforma sanitaria da Mariña na quereclamaron á Xunta de Galicia que cumpra os seus compromisos co Hospital da Costa e deixe de promover medidas que están a destruír e desmantelar o centro sanitario.
Neste senso Santín lembrou que “o titular do goberno autonómico segue sen cumprir a súa palabra. Ata en seis ocasións Feijoo prometeu a ampliación do hospital e non fixeron nada, nin sequera están a manter o que había pois os profesionais sanitarios teñen denunciado en varias ocasións o deterioro dos equipos instrumentais, as deficiencias do servizo de mantemento dos aparellos electrónicos e a falla da previsión nas compras”. “O máis grave é a perda do persoal que marcharon ou se xubilaron forzosamente sen que as súas prazas foran cubertas”, explicou.
A xestión da Xunta está a acabar co dereito dos mariñanos a ter unha sanidade de calidade. “Coma sempre as pretensións do PP parecen ser o desmantelamento do centro para acabar privatizando este servizo público. Non podemos permitir que a sanidade se converta nun privilexio, accesible para uns poucos, esquecendo que é un dereito universal. Nós non nos quedaremos de brazos cruzados, reivindicamos unha sanidade pública, gratuíta e de calidade, como a que promoveron os Gobernos Socialistas”.
Estamos a falar dun tema moi serio que parece que ao Goberno do Partido Popular non lles importa, xa que antepoñen sempre os seus intereses partidarios aos intereses das persoas. Mostra disto é o modelo de xestión aprobado polo Decreto 55/2013 do Goberno de Feijoo, polo que os tres hospitais da provincia- Lugo, Burela e Monforte- perderán a súa autonomía. Con isto, A Mariña pasará de ter un hospital a un simple ambulatorio. A Xunta malgasta todo o investimento realizado no hospital e o seu equipamento que cumpre cos parámetros necesarios para contar cunha área de xestión propia que ata o de agora atendía a preto de 90.000 persoas. O PP condena aos mariñanos a ter que percorrer máis de 100 quilómetros para acudir a súa cita cos especialistas, un servizo que antes tiñan na comarca.
Neste encontro os socialistas explicaron as medidas que están a levar a cabo a nivel local e autonómico para instar ao Goberno galego a retirar o Decreto de Xestión Integrada que regula a posta en marcha deste modelo. “Para nós os recortes na sanidade non son unha opción, o aforro non é unha escusa válida para o seu desmantelamento, para privatizala e empeorar a atención á cidadanía”, explicou Santín.
Menos camas no verán
Pola súa banda a coordinadora do PSOE na Mariña, indicou que “dos recortes sabemos ben aquí, uns recortes en sanidade que provocan un deterioro da saúde e un incremento das listas de espera”. E engadiu que “este verán vólvese a prescindir de 30 camas das 135 que hai no noso hospital, xustamente cando nesa época triplícase a poboación na nosa comarca”. Por iso, Mayra García acudirá en representación dos socialistas á mobilización convocada para hoxe ás 20:30 horas polos sindicatos sanitarios e fai un chamamento á poboación mariñá para sumarse a esta marcha contra o desmantelamento da sanidade pública.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
