Con motivo da inminente aplicación do novo sistema para determinación do prezo horario ao pequeno consumidor de electricidade, UCGAL quere advertir de que as técnicas comerciais que se están a empregar por parte de operadores eléctricos na comercialización de contratos no mercado libre de electricidade estanse a facer baixo a formulación de expresións que poden inducir a erro ao consumidor.
Estas técnicas están a incidir en aspectos como que o usuario non pode coñecer con antelación o prezo da electricidade, cuestión que non é correcta xa que Red Eléctrica publica diariamente o prezo que a electricidade terá nas 24 horas do día seguinte ademais de facilitar a información sobre o prezo que tivo en cada un dos días anteriores (hoxe xa se pode coñecer como mínimo desde o día 1 de abril de 2014).
Leva a engano a publicidade cando se omite o prezo que ten a electricidade segundo o novo sistema de prezos horarios, e sen embargo se facilita o prezo que ofrece o operador no mercado libre. De incluírse aquela información, cando menos respecto dos datos dispoñibles, o usuario sabería que desde o 1 de abril ao 23 de maio o prezo do kWh foi de pouco máis de 10 céntimos (na tarifa xeral) cando as ofertas do mercado libre adoitan moverse por riba dos 12 céntimos (tamén na tarifa xeral).
Ademais chéganse a utilizar simulacións do que tería costado a electricidade no ano 2013 cun sistema que non se aplicaba daquela e que se baseaba precisamente nun sistema de poxas que quedou descartado pola súa falta de transparencia. Estas simulacións, que ademais exhiben prezos por MWh ou 1.000 kWh, poden facer crer ao usuario que o prezo que podería acadar hoxe a electricidade no mercado diario chegaría a importes superiores ao dobre do que tivo durante todo o que vai de ano 2014, cando a realidade é que non chegou a superar os 11 céntimos de media desde o día 1 de abril.
Unión de Consumidores de Galicia considera que manterse no PVPC aínda coas variacións horarias é unha boa alternativa en canto ao prezo que finalmente pagará o usuario ademais de que manterse nela non supón a obriga de facer ningún trámite. Para aqueles que no seu momento marcharon ao mercado libre lles recomenda comprobar o aforro que poderían obter se deciden volver ao mercado regulado, un dereito que teñen en todo caso logo de transcorrido un ano desde que marcharan ao mercado libre.
A segunda das opcións que ten o usuario, acollerse a un prezo fixo anual ofrecido por parte das comercializadoras de referencia suporía pagar importes próximos ou superiores aos 14 céntimos (na tarifa xeral).
A terceira opción, contratar no mercado libre, suporá con independencia do prezo que lle ofrezan ao usuario, unha perda significativa dos dereitos que a normativa recoñece aos usuarios acollidos ao mercado regulado así como o risco de que lle obriguen a contratar servizos accesorios, lle apliquen penalizacións ou se vexa obrigado a facer todos os trámites por internet se quere que se manteñan as condicións ofertadas.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
