Uns 230 estudantes acudiron en Cervo ao seminario sobre emprego e mercado laboral “Habilidades para o éxito”

Cervo, 30 de abril de 2014- O Auditorio da Casa da Cultura de San Cibrao acolleu este mércores o seminario “Habilidades para o éxito” postas en marcha pola Fundación Alcoa coa colaboración do Concello de Cervo. Unha iniciativa á que acudiron uns 230 estudantes de Bacharelato de diferentes centros da provincia e na que a multinacional pretendeu dar información de utilidade á mocidade de cara ao seu futuro acceso ao mercado laboral.

Por iso, os relatores que participaron son profesionais do mundo da empresa e especializados en xestión de recursos humanos. En concreto, o programa incluíu as explicacións de Aquilino Lousa, consultor de A&P Formación, que falou sobre o liderado nas empresas; Manuel Estévez Díaz, do departamento de Xestión de Persoas e Loxística de Inditex, deu consellos para a busca de emprego e sobre como afrontar unha entrevista de traballo; e Pilar Verdeal García, xefa de Recursos Humanos de Alcoa, que desvelou cales son as habilidades que buscan as empresas nos seus traballadores.

Unhas xornadas que comezaron ás 10 h. coa benvida do director de Alcoa San Cibrao, Rubén Bartolomé, e a directora xeral da Fundación Junior Achievement, que organizou esta iniciativa financiada pola Fundación Alcoa. As charlas continuaron ata o mediodía, cando os alumnos se trasladaron á planta de Alcoa San Ciprián.

A edil de Cultura, Begoña Alonso, estivo presente no seminario, e definiuno como “una gran oportunidad para los jóvenes, ya que pudieron escuchar de primera mano a expertos de empresas de renombre dándoles orientación, información y recomendaciones sobre cómo abrirse camino en el mercado laboral, conocimientos que les serán muy útiles para su futuro”.