Lugo, 1 de maio de 2014.- A Consellería de Cultura, Educación e Ordenación Universitaria
convoca o XX Certame de narración e debuxo infantil para celebrar o día das Letras Galegas, destinado a escolares de ata 16 anos e que organiza a Biblioteca Nodal en coordinación con máis dunha vintena de bibliotecas públicas da provincia.
O prazo para presentar os traballos remata o vindeiro día 9 de maio. Os interesados poden entregar todos os traballos que desexen, na modalidade de debuxo, na de redacción ou en ambas. Cada biblioteca elixirá aos gañadores da fase local, que competirán na fase provincial que se dirimirá na Biblioteca Nodal de Lugo.
Esta será unha das citas máis salientables do programa de actividades da Biblioteca Nodal, que se abre este venres coa actividade infantil Lobo, lobo, para nenos e nenas de 3 a 7 anos, con Elefante Elegante.
O venres 9 terá lugar un obradoiro de marionetas en papel para escolares de 6 a 12 anos, dirixido por Viravolta; o 23 celébrase o Día Mundial da Diversidade Cultural, para o cal os nenos e nenas de 4 a 12 anos están invitados a realizar un caderniño animado que lles axudará a comprender de xeito práctico a diversidade. O venres día 30 resérvase para os máis pequenos, de 0 a 3 anos, cunha actividade de contacontos a cargo de Sherezade Bardaji. Todas as actividades comezan ás seis da tarde e é preciso apuntarse con antelación.
O día 23, ás seis da tarde, impartirase tamén na biblioteca unha charla titulada “Recursos educativos na internet para meus fillos”, para que os pais coñezan a mellor maneira de controlar o que os fillos fan na web e darlles pautas e opcións útiles e atractivas, coas que non só ocupan o tempo de uso informático, senón que reforzan e axudan a ampliar os seus coñecementos. Mantéñense as citas habituais dos clubs de lectura e mesas de conversa, e o café filosófico deste mes será o martes 27, sobre a Intelixencia emocional.
O centro presenta durante este mes unha exposición dos alumnos de gravado e técnicas de estampación da escola de artes Ramón Falcón, de Lugo, e mostras bibliográficas sobre Xosé María Díaz Castro, o autor homenaxeado na presente edición das Letras Galegas, Cómo aprobar un examen? e, na sala infantil, A vida? Con moito humor.
Así mesmo, entre os días 13 e 18 de maio a Biblioteca Nodal despregará unha intensa actividade na Feira do Libro de Lugo.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
