Vilalba volve ser escenario dunha xornada sobre emprendemento empresarial o venres 27 de xuño que contará, nesta segunda edición, coa presenza de dous actores sobradamente recoñecidos no panorama audiovisual galego: Federico Pérez e Xosé Antonio Touriñán.
Este último é un dos fundadores, xunto a Marcos Pereiro, da produtora Airapro que conta na súa carteira con máis de 20 artistas coma Pepo Suevo, Herdeiros da Crus, Sés ou o propio Fede. Así mesmo, produce programas para a TVG coma “As cantareiras de Ardebullo” ou “Tourilandia”.
O actor con máis proxección do audiovisual galego, Xosé Antonio Touriñán, e o lingüística reconvertido a guionista e carismático actor, Fede Pérez, achegarán a súa experiencia persoal emprendedora durante esta II Xornada de Emprendemento e Empresa Vilalba 2014 dirixida a mozos recentemente titulados e con inquietudes empresariais, empresarios con liñas de negocio, novos empresarios, persoas desempregadas ou calquera outro interesado.
O autoemprego, axudas e financiamento de ideas emprendedoras, asociacionismo e búsqueda de sinerxias, cooperativismo e creación de SATs ou outros tipos de emprendemento no rural, así coma exemplos de relevo xeracional en empresas da comarca serán outros dos temas da xornada que dará comezo ás nove da mañá coa presentación e benvida da man de David Díaz Losada, presidente do GDR Terra Chá.
Ademais de Xosé Antonio Touriñán e Fede Pérez, tamén participarán como ponentes nesta edición da xornada os técnicos de emprego do Concello de Vilalba e Xermade, Gonzalo Hermida e Ernesto Ares, respectivamente, coa finalidade de ofrecer aos participantes ideas sobre o financiamento de ideas emprendedoras. A búsqueda de sinerxias de cara ao emprendemento chegará da man da presidenta da Federación Galega de Empresarios Novos (Fegaxe – AJE Galicia) e secretaria de AJE Lugo, Carmen José López. Hixinio Mougán, director-xerente da Asociación de Cooperativas Galegas AGACA, repetirá este ano nesta xornada para participar na ponencia sobre cooperativismo e creación de SATs no rural.
Nesta segunda edición engádese tamén unha conferencia denominada “Onde estabas e onde estás?” co obxectivo de recoller a evolución neste último ano de tres empresas participantes na primeira edición da xornada Emprendemento e Empresa Vilalba. Así, Jacobo Lázare, Javier Mouriño e Simón Cabarcos repiten tamén na xornada para falar sobre as súas respectivas empresas: Disco Azul, Intermax Technology e Blindaxe Sports.
E como novidade, despois dun xantar conxunto gratuíto, a tarde reservarase para varias visitas guiadas a empresas da zona asentadas baixo a concepción de emprendemento en base ao rural.
Inscricións e información
Os interesados en participar nesta xornada gratuíta organizada por Newton Formación coa colaboración de AGADER e AJE Lugo poden inscribirse ata o mércores 25 de xuño no enderezo electrónico emprendevilalba@gmail.com achegando o nome completo, DNI e teléfono de contacto. As prazas limítanse ao aforo do Centro Cultural e Recreativo de Vilalba de 150 persoas.
Os interesados poden consultar máis información a través da web www.emprendevilalba.com.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
