Lugo, 23 de xuño de 2014.- O Goberno Provincial presentará unha moción, no vindeiro Pleno do 24 de xuño, para esixir a inmediata retirada das emendas presentadas polo Grupo Parlamentario do Partido Popular á Iniciativa Lexislativa Popular (ILP) que buscaba garantir a prestación das especialidades de hemodinámica, radioterapia e medicina nuclear no HULA.
O texto presentado pola iniciativa veciñal pretendía engadir un artigo á Lei 8/2008, do 10 de xullo, de Saúde Galega, para garantir os servizos de hemodinámica, radioterapia e medicina nuclear nas catro provincias, para que os lucenses contaran coas mesmas coberturas sanitarias que o resto de galegos. Malia que nun primeiro momento, na votación celebrada o pasado 25 de marzo, o Partido Popular pareceu sumarse á ILP, finalmente este presentou numerosas emendas á iniciativa, de xeito que non só “desvirtúan a petición inicial, senón que parapean ó Presidente da Xunta, Alberto Núñez Feijóo, na súa decisión de discriminar a 350.000 cidadáns polo feito de residir na provincia de Lugo”.
De feito, as seis emendas presentadas polo Grupo Parlamentario Popular modifican o articulado da iniciativa lexislativa cambiando o título desta por un de carácter moito máis técnico: “Lei pola que se modifica a Lei 12/2013, do 9 de decembro, de Garantías de Prestacións Sanitarias”, e mesmo pretende “cambiar ata a alma do mesmo texto lexislativo substituíndo a exposición de motivos que botaba cifras que non admitían interpretación sobre a mortalidade vinculada á falta dos devanditos servizos”.
Estes cambios deixaron patente que “o Partido Popular non só pretendeu ocultar a súa manobra, senón que xogou coa poboación lucense apoiando a esixencia á Xunta de Galicia de que Lugo conte cos mesmos servizos que o resto de territorios, emendando ata os prazos de posta en marcha dos servizos”. Así, “o mesmo Partido vota un día que a hemodinámica chegue a Lugo nun prazo máximo de seis meses, e que a radioterapia e medicina nuclear estean dispoñibles nun máximo dun ano, e ó día seguinte propoñan o contrario alongando os prazos de execución dos servizos ata un tempo de dezaoito meses, que se suman ós tres anos transcorridos dende que Feijóo prometeu a dotación destes tratamentos”.
Feijóo discrimina ós lucenses
Deste xeito, as emendas presentadas por Feijóo non só cambiarán os prazos para garantir a dotación, senón que ademais, “baleirarán de contido os servizos esixibles”. A ILP esixía un mesmo servizo en condicións de igualdade para todos os galegos, con independencia da provincia na que residan, o que na práctica era dotar a Lugo dun servizo de Hemodinámica en funcionamento as 24 horas, algo co que xa contan os veciños da Coruña, Ourense e Pontevedra. Nembargantes, as emendas presentadas por Núñez Feijóo, que afirman que “todas as provincias dispoñerán de procedementos de hemodinámica, radioterapia e medicina nuclear en Galicia”, remiten ó que xa acontece na actualidade: que estes procedementos existen para todos os galegos, pero que os lucenses “só poden acceder a eles a través dos hospitais da Coruña e de Santiago”.
Acordos
“Polo exposto, e ante a insensibilidade e cinismo do Partido Popular, que é capaz de votar a favor da ILP dos lucenses para logo emendar e desvirtuar esta a través de emendas ó texto presentado pola cidadanía, o Goberno da Deputación somete a Pleno o seguinte acordo:
– Manifestar o rotundo rexeitamento ás emendas presentadas polo PP á Proposición de Lei de Iniciativa Popular para garantir a prestación das especialidades de hemodinámica, radioterapia e medicina nuclear en igualdade de condicións para a cidadanía galega con independencia do seu lugar de residencia en Galicia.
– Esixir ó Grupo Autonómico do Partido Popular a inmediata retirada das emendas á ILP da Plataforma Veciñal por considerar que a devandita proposta de Lei aglutinou un amplo consenso para o seu desenvolvemento reflectido na unanimidade da votación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
