Semella un costume no Estado español indultar a banqueiros estafadores, empresarios corruptos ou políticos inhabilitados mentres se condena a anos de prisión a homes e mulleres que loitan polos dereitos da cidadanía, polos dereitos da clase obreira. Para estes o ministro Gallardón só coñece a lei da represión.
O pasado 30 de abril, a sección segunda da Audiencia Provincial de Pontevedra ditaba unha cruel, inxusta e incomprensíbel sentenza que desde entón fai sobrevoar a sombra da cadea para Ana Outerelo e Tamara Vidal, esta última embarazada de tres meses. O seu único crime foi secundar unha folga d@s traballador@s de instalacións deportivas en febreiro de 2010.
Primeiro foron condenadas en primeira instancia a seis meses de cadea por un empurrón ao xerente do recinto no que tivo lugar a protesta e a vertedura dun líquido colorante nunha piscina. Ambas as mulleres negan estes extremos, non sendo identificadas como as autoras nin polo xerente, nin polo garda de seguridade, únicas testemuñas da acusación. Tras esta primeira sentenza, que foi recorrida pola defensa solicitando a absolución, a sorpresa foi maiúscula cando a fiscalía decidiu recorrer o fallo solicitando unha pena esaxeradamente superior en base a unha interpretación rigorista do Código Penal. Esta petición de pena foi confirmada polo tribunal de apelación que condena finalmente as mozas a tres anos de cadea, SEXTUPLICANDO a condena inicial.
En Vigo a xuíza do penal rexeitou a petición de indulto para Carlos Rivas e Serafín Rodríguez, dous traballadores que participaron na folga do transporte de 2008. Pídenlles tres anos de prisión por exercer o dereito a folga. Malia contaren co apoio de partidos, concellos, sindicatos e distintas plataformas cidadás a fiscalía está decidida a envialos a prisión.
Estas setenzas teñen como obxectivo último amedrentar e inducir á resginación e á pasividade o sector máis consciente da cidadanía, coa complicidade da Fiscalía. Aumenta a represión e a criminalización da protesta, a persecución da liberdade de expresión en Internet, ou a ofensiva lanzada contra os dereitos civís e laborais. A administración de Xustiza ao servizo dos aparellos políticos do Estado, ao servizo da caverna do PP.
Consideramos que é ineludíbel a depuración de responsabilidades dos funcionarios responsábeis destas aberracións; esiximos aos poderes públicos a paralización inmediata da execución das sentenzas, a concesión dun indulto máis que motivado, e a revisión da sentenza por parte do órgano xudicial correspondente, co intuito de reparar o dano infrinxido gratuitamente a estes catro cidadáns e a violación efectuada dos seus dereitos constitucionais.
Por último, desde Anova – Irmandade Nacionalista queremos transmitir a Carlos, Serafín, Tamara e Ana, e aos seus familiares e achegados, o noso máis firme apoio, solidariedade e afecto neste momento de consternación e estupor.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
