Santiago, 18 de abril de 2014.- O voceiro do Mar do Grupo Popular, Jose Manuel Balseiro, destacou esta mañá a aposta do Goberno galego pola produción de produtos ecolóxicos tamén no eido do mar e o marisqueo. Así o explicou durante a súa intervención na Comisión de Pesca do Parlamento galego onde formulou unha iniciativa interesándose pola evolución dos produtos certificados nestes ámbitos.
En resposta ás preguntas de Balseiro, o secretario xeral do Mar, Juan Maneiro, explicou que que os produtos de orixe marítima en Galicia xa representan un volume de negocio próximo aos 4 millóns de euros de produto certificado, esta cifra que representa un incremento porcentual do 41,65%.
A preguntas do deputado popular Maneiro explicou tamén que en Galicia a produción se centra basicamente en mexillón cultivado en batea, a recolleita sostible de algas e algúns tipos de conserva que utilizan na súa elaboración produtos ecolóxicos de diversa índole, “isto se nos referimos a produtos de orixe mariño, mentres que se nos referimos a acuicultura continental destaca o cultivo de troita”.
Tendencia á alza no mercado
Balseiro animou a apostar por este sector dado que os datos permiten observar un notable incremento do interese por este tipo de produtos tanto por parte dos propios produtores coma, e moi especialmente, pola cadea de transformación e comercialización especialmente relevante no caso da conserva e dos pratos preparados.
Maneiro confirmou este extremo e indicou que o crecente interese deriva necesariamente dun incremento da demanda deste tipo de produtos por parte dos consumidores sendo destacable as peticións chegadas de países da Unión Europea coma Alemaña ou Francia, que constitúen tamén unha oportunidade para a exportación.
Apoios da Xunta
Balseiro e Maneiro coincidiron finalmente en que, por parte da Xunta de Galicia estase a apoiar decididamente este tipo de produción coma un plus de calidade a engadir á xa recoñecida dos nosos peixes e mariscos. Ademais os produtos con selo ecolóxico se traducen nunha maior competitividade respecto dos seus competidores e nunha mellora dos prezos de comercialización e, polo tanto, nunha mellora nas rendas dos produtores. A Xunta está a apoiar, neste ano, ao Consello de Agricultura Ecolóxica de Galicia (Craega) con diversas actividades, como a presentación e degustación de produtos do mar ecolóxicos nos distintos salóns, e congresos.
Xunto a iso Balseiro puxo en valor outras iniciativas de certificación ecolóxica como as que está a impulsar o sector, a iniciativa propia, e das que tivemos coñecemento nas últimas datas en portos pesqueiros de importancia como os da Mariña lucense, Vigo ou Riveira.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
