Viveiro, 23 de xuño de 2014.- O Bloque Nacionalista Galego levará este martes ao Pleno da Deputación unha iniciativa en defensa do sector pesqueiro da Mariña, ameazado por dúas medidas anunciadas polo Goberno do Partido Popular en Madrid: a autorización aos grandes mercados centrais como lugares de primeira venda de peixe e o anuncio da suba do IVE dos produtos do mar ao 21%.
A instancias do Bloque, o Pleno da Deputación pedirá ao Goberno de Mariano Rajoy que “rectifique” e dea marcha atrás nestas dúas medidas que suporían “un golpe mortal para o sector pesqueiro da Mariña no seu conxunto”, afirma Antonio Veiga, deputado provincial do Bloque e vicepresidente da Deputación.
O BNG destaca na súa iniciativa que “a pesca é un sector estratéxico para a comarca da Mariña tanto en termos económicos como de creación de emprego, un sector do que viven unas 5.000 persoas”. Na comarca entre 1.500 e 1.600 persoas están afiliadas ao réxime do mar, cun efecto multiplicador en terra de 3 ou 4 postos de traballo por cada un no mar, especialmente no sector da transformación e exportación. Das dez empresas con maior facturación da provincia de Lugo, tres están directamente vinculadas ao sector pesqueiro da Mariña.
Por iso, o borrador do Real Decreto do Ministerio que regula a Primeira Venda de Produtos Pesqueiros suporía un “duro golpe” ao sector, pois contempla autorizar como establecementos para poder realizar a primeira venda de peixe aos grandes mercados centrais como MercaMadrid ou MercaBilbao, o que suporía desmantelar o modelo actual baseado en que a primeira venda debe realizarse obrigatoriamente nas lonxas. De levarse a cabo a intención do Ministerio as grandes cadeas de distribución do Estado español pasarían a ter o control da comercialización do peixe, en detrimento das empresas locais de exportación, polas que pasa agora a cadea de comercialización e transformación e crean valor engadido e postos de traballo en comarcas pesqueiras como a Mariña.
Suba do IVE ao 21%
A moción presentada polos nacionalistas rexeita tamén a intención do Ministerio de Hacienda de subir o IVE dos produtos da pesca ao 21%, no lugar do 10% actual. Antonio Veiga afirma que “o peixe é un produto de consumo de primeira necesidade, non é ningún luxo” polo que rexeita esta medida que “suporía un aumento do prezo dos alimentos procedentes da pesca, unha caída das vendas e unha perda da actividade económica nun dos sectores estratéxicos da economía galega”.
Ademais, o BNG denuncia que esta subida suporía unha nova carga impositiva sobre o conxunto da cidadanía a través dun imposto indirecto, o que contrasta “coa ausencia de medidas decididas por parte dese mesmo Goberno central do Partido Popular para loitar contra a fraude fiscal ou para aumentar os impostos ás rendas máis altas”, denuncian os nacionalistas.
Escenificación hoxe ás 19:00 horas no Porto de Celeiro
O BNG presentará esta iniciativa que mañá levará ao Pleno da Deputación hoxe pola tarde ás sete da tarde no Porto de Celeiro nun acto no que estarán presentes o vicepresidente da Deputación, Antonio Veiga, a responsable comarcal do BNG na Mariña, Ana Hermida, e os portavoces do BNG en Viveiro, Bernardo Fraga, e en Burela, Mario Pillado.
A iniciativa do BNG conta co respaldo unánime do sector, posto de manifesto en Expomar, e foi tamén aprobada a pasada semana no Parlamento Galego a iniciativa dos deputados do Bloque. Nos vindeiros días presentaranse tamén mocións deste tipo nos plenos de todos os concellos da comarca da Mariña.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
