Lourenzá, 27 de xuño de 2014.- O Concello de Lourenzá convoca un posto interino para a oficina técnica municipal a media xornada para cubrir unha baixa. Anunciouno hoxe a alcaldesa, Emma Álvarez Chao.
“Facemos públicas as bases reguladoras para cubrir un posto de interinidade na oficina técnica do Concello. Desta maneira vamos cubrir a vacante que xurdiu por enfermidade da traballadora habitual. É para media xornada polo tempo que dure a baixa e terá un salario bruto de 438,88 euros”, explicou a rexedora municipal, quen tamén especificou que “a persoa que realizaba este traballo leva oito meses de baixa, tempo no que non se cubriu esta vacante e vémonos na obriga de facelo agora pola acumulación de tarefas que se está a producir e porque vemos que se están empezando a colapsar os expedientes desta oficina que tíñamos que sacar adiante. Así mesmo ante o período estival esta persoa é necesario que veña traballar para que poida coller as vacacións o persoal que durante todo o ano estivo facendo o seu labor”.
Emma Álvarez engadiu que “esta vacante é para un auxiliar administrativo para a oficina de rehabilitación do ARI, aínda que as tarefas que vai desenvolver son moitas máis que as de cubrir as necesidades desa oficina. Esta persoa atenderá o punto de información catastral, que é un servizo de apoio aos veciños co que evitan desprazamentos a Lugo para facer trámites sinxelos ante o Catastro. Tamén se leva a cabo a tramitación administrativa de solicitudes de subvención relacionadas con Vivenda e Solo e de licencias urbanísticas; solicitudes ao abeiro da ordenanza reguladora do uso e aproveitamento especial das vías públicas e espazos de titularidade municipal; tratamento de expedientes técnicos vinculados á Concellería de Camiños, Obras, Feiras e Persoal; revisión e actualización do servizo de recollida dos residuos sólidos urbanos; tramitacións administrativas de expedientes adscritos ao Camiño de Santiago; e outro tipo de tramitacións administrativas que estanse vendo neste momento colapsadas por non dispoñer de persoal necesario para poder saír a facer traballo de campo”.
A alcaldesa rematou comentando que “esta vacante cubrímola mediante un concurso oposición e as persoas interesadas terán 10 días hábiles, dende a súa publicación no Boletín Oficial da Provincia, para presentar as solicitudes así como a documentación requirida aquí, nas oficinas municipais. Dende o día de hoxe as bases estarán expostas no taboleiro de anuncios e tamén na páxina web do Concello para aquelas persoas que queiran ir consultándoas”.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
