Lugo, 27 de xuño de 2014.- O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, aproveitou a rolda de prensa posterior á Xunta de Goberno da institución provincial para valorar a manifestación convocada onte en defensa da sanidade da provincia de Lugo así como para reclamar da Xunta de Galiza “que cese na súa política de desmantelar a sanidade na provincia de Lugo”.
Durante a súa intervención, Antonio Veiga destacou “a alta participación na manifestación convocada onte por parte de numerosos colectivos da provincia de moi diversa índole, o que amosa a unanimidade da sociedade lucense na demanda dunha igualdade de trato no acceso aos servizos sanitarios”.
Unha demanda, que, en palabras do vicepresidente da Deputación “contrasta coa política de recortes que está a exercer o goberno de Feijoo, convertendo o servizo hospitalario de Lugo nunha sucursal do da capital galega”.
Neste sentido, Veiga referiuse ao Hula coma “un caixón moi grande pero sen ningún contido, que vén a ratificar unha política de promesas incumpridas, con fins electorais, que desenvolve o Partido Popular” e insistiu en que “isto só é unha proba máis do desprezo da Xunta ás necesidades de toda a provincia, xa que tamén estamos a vivir o desmantelamento dos hospitais comarcais de Monforte e Burela, que se están a converter en simples ambulatorios; ao que hai que sumar outras medidas como o peche de camas nos hospitais ou o desmantelamento dun servizo tan vital e necesario na provincia de Lugo como é o 065”.
28 de xuño, Día Internacional polos dereitos das persoas lesbianas, gais, bisexuais, transexuais e intersexuais
Mañá, 28 de xuño, é o Día Internacional Día Internacional polos dereitos das persoas lesbianas, gais, bisexuais, transexuais e intersexuais, un día que ten que servir para demandar unha maior atención sobre a necesidade de traballar contra a discriminación e de facer visíbel unha realidade plural que moitas veces non existe por ser insensibilizada politicamente.
A día de hoxe, en 77 países a homosexualidade aínda está considerada delito, e en 5 deles castigada con pena capital. Hai persoas, incluso, que están refuxiadas no noso país, escapando da homofobia dos seus países de orixe.
“Cómpre, pois, que desde a institucións desenvolvamos un labor neste sentido e planifiquemos accións e actividades ao longo de todo o ano, o que non colide co feito de facer patente, de maneira moi especial arredor desta data, o compromiso para coas reivindicacións da comunidade LGTBI, polo que dende a Vicepresidencia da Deputación de Lugo apoiamos a manifestación convocada hoxe, ás 18.00 horas, na Praza Maior de Lugo” – precisou Veiga.
“Dado que ese compromiso e apoio non debe ser algo puntual – continuou o vicepresidente- desde esta institución instamos á Xunta de Galiza a que, de xeito urxente, acometa a plena aplicación e desenvolvemento da Lei 2/2014, do 14 de abril, pola igualdade de trato e a non discriminación deste colectivo”.
Copa Piragüismo
Noutro orde de asuntos, a Xunta de Goberno celebrada hoxe, aprobou as bases da convocatoria e modelo de solicitude da IV Copa Deputación de Lugo de Piragüismo, a disputar neste 2014. Unha competición para a que a área de Deporte destina 16.800, e na que se dan cabida os seis clubs da provincia, e na que participan arredor de 200 padexeiros e padexeiras e que segundo explicou Veiga “vai no camiño de rexurdir un deporte histórico na provincia de Lugo”.
O vicepresidente da Deputación lembrou que “desde a área de Deporte centrámonos en promocionar deportes autóctonos, deportes do país, e deportes que non gozan do mesmo respaldo mediático e económico que gozan outros, coa posta en marcha de eventos como pode ser esta Copa de Piragüismo, a Volta Ciclista ás Comarcas, a Copa de Baloncesto Base, ou dándolle un pulo xogos tradicionais”.
“Desde o ano 2008, no que comezamos a ter competencias nesta institución, incrementouse o 25% o orzamento en deporte, non só para competicións senón tamén para outras actividades deportivas de índole social, como o programa Movémonos, co que facemos chegar a todos os concellos da provincia, independentemente do seu número de habitantes, e independentemente das capacidades das persoas, porque cremos na igualdade das veciñas e dos veciños no acceso a este tipo de programación”, concluíu o vicepresidente.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
