Viveiro, 23 de xuño de 2014.- O PP de Viveiro, aínda que xa está curado de espanto, non deixa de sorprenderse ante determinadas explicacións que a Sra. Alcadesa ven de facer hai uns días nos medios de comunicación; estas explicacións referidas á solicitude de socorristas viñan a dicir que a culpa de non telos solicitado antes – e xa estamos a 23 de xuño – era da Xunta de Galicia e da pouca dotación económica do fondo de cooperación.
Unhas explicacións peregrinas e que ninguén no seu san xuizo pode crer, xa que o único que intenta, aplicando o que dixo na súa toma de posesión que era o de continuar coa herencia recibida, é a política de tinta de calamar, é dicir tapar a súa ineficacia e a súa inoperancia na xestión, desviando a atención hacia outro foco, neste caso hacia a Xunta de Galicia.
O certo é que Viveiro non vai contar con socorristas ó día 1 de xullo , porque aínda que os solicite estes días, hai uns plazos de tramitación que impedirán que os socorristas comencen o seu traballo na data sinalada. Este lamentable feito será só imputable á deixadez e á falta de dilixencia na xestión ó que nos teñen acostumados o equipo de goberno socialista, quen por non enviar, nin siquiera enviaron a xustificación da axuda do 2013, de ahí que non poideran telos solicitado por anticipado, tal e como si poden facer outros concellos veciños.. Polo tanto que a Sra. Alcadesa non lle bote a culpa a ninguén e que se adique a cumprir coa súa obriga que é a de xestionar, o mellor que se poida, servizos para os veciños e veciñas de Viveiro, e neste caso particular tamén llo agradecerán todos aqueles turistas que nos visiten na época estival e que de seguro se sentirán máis seguros nas nosas fermosas praias.
Outro claro exemplo de deixadez temolo no feito de que Viveiro non solicitase a axuda para a contratación de persoal nas oficinas de turismo, unha axuda consistente en 8.000 € destinada a sufragar o persoal específico destas oficinas dende o mes de xuño ata outubro.
Estas achegas están dispostas para manter a calidade no servizo de información turística que se presta nos municipios que contan coa declaración de municipios turísticos,tal e como acontece no caso de Viveiro.
Esta resolución do 4 de marzo de 2014 da Axencia de Turismo de Galicia publicouse no DOG do 13 de marzo, e o prazo de presentación foi dun mes,pero a bo seguro que aquí a culpa de non tela solicitada, tamén foi da Xunta de Galicia por ter sacada esta mísera axuda.
Si ben é certo que na oficina de turismo de Viveiro xa existe personal, non é menos certo que moitos viveirenses necesitan traballar e a Alcadesa en vez de facilitar un posto de traballo máis, adícase a perdelo a non facer absolutamente nada por acadar esta subvención. Este novo posto de traballo redundaría nunha mellora da oferta da oficina de turismo que estaría mellor cuberta,o que permitiría a súa apertura durante máis tempo, por exemplo os sábados, domingos e festivos.
O GPP de Viveiro seguiremos insistíndolle á Sra. Alcaldesa para que tente facer unha xestión racional e eficaz para os veciños de Viveiro, aínda que moito nos tememos que será como predicar no deserto, porque ata a data toda a axuda brindada dende o noso grupo foi sistematicamente rechazada.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
