O restaurante San Miguel, de Ribadeo, abre este venres a súa tasca de verán co prestixioso chef asturiano Carlos Martínez Abascal

Ribadeo, 26 de xuño de 2014.- O restaurante San Miguel, de Ribadeo, abre este venres a súa tasca de verán con terraza na que cociñará o prestixioso chef asturiano Carlos Martínez Abascal, que conta cunha ampla traxectoria profesional en restaurantes de Asturias e Madrid. E na planta alta do establecemento seguirán ofrecendo cociña de mercado e mariñeira elaborada por José Ramón Rodríguez.

O cociñeiro e copropietario do restaurante San Miguel, José Ramón Rodríguez, anunciou que na tasca de verán con terraza, que está na planta baixa do establecemento, “ofreceremos unha comida especial, ideal para tapeo, con arroces, mariscos e postres. Promocionaremos os viños de Galicia: albariños, mencías, godellos. Vamos intentar achegar o marisco a todo o mundo, cunhos prezos bastante asequibles e pratos como un arroz caldoso moi rico”.

José Ramón Rodríguez destacou que conta coa colaboración do chef asturiano Carlos Martínez Abascal, que “ven de Oviedo e ten unha longa traxectoria profesional. Tendrá de axudante a Ángel González, que é unha xove promesa da cociña”.

Carlos Martínez Abascal explicou que “básicamente imos ofrecer un tapeo para comidas e ceas, e incluso a media tarde para intentar que a xente disfrute coa gastronomía desta zona promocionando os peixes e mariscos da ría e desta costa, que son excelentes”. Entre os platos que van ofertar na tasca do San Miguel o cociñerio resaltou “pastel de centola con salsa tártara; unha ensalada de anchoas con aguacate, moi fresca e veraniega; estamos en temporada de bonito e servirémolo ben sexa como prato principal cun confitado de cebola e tomate ou unha ensaladiña de bonito cun allo branco”.

A ampla traxectoria profesional de Carlos Martínez Abascal comezou en Oviedo da man de Luis Gil Lus, no restaurante Casa Fermín, á vez que estudaba en Xixón. E para seguir formándose profesionalmente estivo en Francia e Bilbao. Posteriormente foise traballar a Madrid nos prestixiosos restaurantes Viridiana e Castillo de Javier. Despois voltou a Asturias, onde se dedicou á docencia e posteriormente estivo, ata hai un ano, como xefe de cociña do restaurante La Corrada del Obispo, de Oviedo.

Polo tanto o restaurante San Miguel ofrecerá a partir deste venres dúa alternativas diferentes para comer. As reservas poden facerse no propio establecemento, no porto deportivo de Ribadeo, ou chamando ó teléfono 982.129.717.