A Deputación de Lugo inviste máis de 130.000 euros nos traballos de roza dos 800 quilómetros de estradas provinciais que discorren pola comarca da Mariña. O Deputado de Xestión Territorial, Manuel Martínez, lamentou o “descoñecemento e imprudencia” dos representantes do PP mariñán ó criticar a situación das vías de acceso á praia ribadense das Catedrais, pois as tarefas de desbroce desenvólvense dende hai unha semana nos municipios da costa lucense e, tal e como xa estaba previsto, este mesmo xoves arrancarán no entorno do areal ribadense, buque insignia do turismo na Mariña, para “deixalo en perfectas condicións, como facemos cada tempada”.
Martínez informou así mesmo de que xa remataron os labores de roza no concello de Foz e estanse a acometer en Viveiro e Cervo. Os traballos execútanse progresivamente, pois “é imposible levalos a cabo en todos os puntos de todos os municipios de maneira simultánea, xa que temos que atender e actuar nos máis de 4.200 quilómetros de estradas provinciais, a rede máis extensa de España”, sinalou o deputado.
A institución luguesa activou o Plan de Roza cun investimento de 600.000 euros para o conxunto das estradas provinciais. “Como nas anteriores edicións, poñémolo en marcha agora, durante a época estival, para previr incendios e optimizar recursos, posto que realizalo con anterioridade suporía un dobre gasto. Hai que ter en conta que, debido ás condicións metrolóxicas que se rexistran durante esta tempada, facelo antes, obrigaríanos a ter que rozar polo menos dúas veces, duplicando os custes”, remarcou Manuel Martínez.
O Plan de Roza despregou un novo dispositivo na rede viaria de máis de 70 operarios e 50 máquinas. Paralelamente, outros 30 operarios e 25 máquinas, neste caso do Parque Móbil da Deputación, executan o pioneiro plan de mellora da rede viaria provincial, acondicionando con rego asfáltico todos os puntos que así o requiren. Ademais, outros 104 operarios e 64 máquinas, do Plan de Conservación, actúan durante todo o ano de xeito continuado nas vías da institución. En total, a Deputación conta con máis de 204 operarios e 139 máquinas traballando para manter nas mellores condicións os máis de 4.200 quilómetros de estradas luguesas.
Ademais de manter en bo estado as vías e mellorar as comunicacións, por medio destes traballos a Deputación contribúe ó desenvolvemento da economía e ó mantemento de postos de traballo en Lugo, grazas á contratación de 20 autónomos e pequenas empresas da provincia.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
